Френки де Йонг Ла Лигийн тоглолтод оролцох боломжгүй боллоо
Барселона клубын хагас хамгаалагч Френки де Йонг олон улсын завсарлагын үеэр Нидерландын шигшээ багийн бүрэлдэхүүнд тоглож байхдаа булчингийн гэмтэл авсан тул энэ ням гарагт Валенсиатай хийх Ла Лигийн тоглолтод оролцох боломжгүй болжээ.
Де Йонг өнгөрсөн пүрэв гарагт Польшийн эсрэг 1-1 гэсэн гоолын харьцаатай тэнцсэн тоглолтын төгсгөлд гэмтсэн бөгөөд улмаар ням гарагт Литвийн эсрэг 3-2 гоолын харьцаатай ялалт байгуулсан тоглолтыг өнжсөн байна.
Даваа гарагт Барселона клуб түүний баруун хөлийн гадна талын булчинд бага зэргийн гэмтэл гарсныг мэдэгдсэн ч, эдгэрэх хугацааг тодорхой хэлээгүй юм. Гэсэн ч улирлын анхны гэрийн тоглолтод оролцох магадлал тун бага байна.
Камп Ноу цэнгэлдэх хүрээлэнгийн шинэчлэл үргэлжилж байгаа тул тоглолтыг хаана, хэрхэн зохион байгуулах нь тодорхойгүй байгаа бөгөөд Барселонагийн B багийн цэнгэлдэхэд үзэгчгүйгээр явагдах магадлалтай байгаа аж.
Барселонагийн хувьд Аваргуудын лигийн эхний тоглолт ирэх долоо хоногийн пүрэв гарагт Ньюкасл Юнайтедын эсрэг Сент Жеймс Парк цэнгэлдэх хүрээлэнд болох юм.
Энэ улиралд Де Йонг гурав дахь удаагаа Ла Лигийн тоглолтод оролцож, багийнхаа цолоо хамгаалахын төлөө чухал үүрэг гүйцэтгэж байсан. Тэрээр улирлын эхний тоглолтод Мальоркатай 90 минут тоглосон бол Райо Вальеканогийн эсрэг тэнцсэн тоглолтод мөн талбайд гарч байв. Харин Левантегийн эсрэг тоглолтод хоёр дахь хүүхдээ өлгийдөн авсан тул оролцоогүй.
Эх сурвалж: 101 Great Goals
