Кармело Антонигийн санаа зовнил: Хэвлэл мэдээлэл ба NBA
Өнөө цагийн тамирчид зөвхөн талбай дээрх тоглолтоороо бус, цахим ертөнц дэх бүхний шүүмжлэлтэй нүүр тулдаг болсон. Хувийн амьдрал, мэргэжлийн замналын өчүүхэн алдаа ч сошиал орчинд дэндүү хурц өнцгөөр тавигдаж, сэтгэлзүйд хүчтэй дарамт үзүүлэх болсон. Харин Кармело Энтонигийн хувьд энэ бүхэн хүү Кийаны амьдралд хэрхэн нөлөөлж буйд сэтгэл түгших болжээ.
Кийан Энтони одоо аавынхаа мөрөөр замнаж буй. Тэрээр Кармелогийн Алдрын танхимд орох ёслолд оролцож, аавынхаа хүрмийг өмсүүлж өгсөн нь гэр бүлийн хувьд мартагдашгүй мөч байв. Удахгүй тэр Сиракюзийн багт элсэн, улбар шар өмсгөлтэй талбайд гарна. Гэхдээ “Мело”-гийн хүү гэх нэр өөрөө түүнд хэт их дарамт, хүлээлт дагуулна. Хамгийн хэцүү нь тэр одоо алдартны хүү, харин хэвлэл мэдээлэл энэ байдлыг зүгээр орхихгүй нь тодорхой.
Кармело энэ талаар SLAM сэтгүүлд ярилцлага өгөхдөө, өөрийн үеийн хэвлэл мэдээллийн соёл өөр байсан талаар дурсжээ. “Манай үед сэтгүүлчид хэн гэдэг нь тодорхой, бичсэн зүйлдээ хариуцлага хүлээдэг байлаа. Харин одоо хүн бүр гартаа утас барьчихсан ‘сэтгүүлч’ болсон. Би ийм нөхцөлд өсөөгүйдээ баярладаг” хэмээн тэр хүүдээ хэлдэг гэнэ.
Тэрээр мөн NBA-ийн хүрээнд тоглогчдын хувийн амьдралыг хэт задлан шүүмжилдэг болсныг шүүмжилж, “Тоглоомын тухай, стратегийн тухай ярья. Тоглогчийн хэнтэй уулзаж байгааг биш, яагаад ялж, яагаад хожигдсоныг хэлэлцье” хэмээн үзэл бодлоо илэрхийлжээ.
🔗 Эх сурвалж: The SportsRush
