Энэ улирлын анхны Эль Класико: Реал Мадрид болон Барселонагийн тулаан
Энэ улирлын хамгийн хүсэн хүлээсэн тоглолтуудын нэг болох Эль Класикогийн эхний тулаан 10-р сарын 26-ны Ням гарагт болно. Ла Лигийн хоёр хүчирхэг баг болох Реал Мадрид болон Барселона клубын хооронд Бернабеу цэнгэлдэх хүрээлэнд явагдах уг тоглолт Улаанбаатарын цагаар 00:15 цагт эхэлнэ.
SAVE THE DATE 🗓️#ELCLASICO IS SET.
— LALIGA English (@LaLigaEN) September 24, 2025
Don't miss the worlds biggest game. pic.twitter.com/OKaDUJ8d9d
Шинэ дасгалжуулагч Хаби Алонсогийн удирдлага дор Реал Мадрид улирлыг төгс эхлүүлж, эхний зургаан тоглолтдоо бүгдэд нь ялалт байгуулсан. Барселона нэг тоглолт дутуу байгаа ч хожигдолгүй үргэлжилж, одоогоор Реалаас таван оноогоор хоцорч байна.
Өнгөрсөн улиралд Ханси Фликийн удирдсан Барселона аваргын цомыг өргөж, 28 дахь түрүүгээ хүртсэн бол Реал Мадрид хоёрдугаар байрт бичигдсэн. Тэдний улирлын хоорондын хоёр тоглолтод Барселона аль алинд нь ялалт байгуулсан юм.
Мадрид дахь тоглолтод Роберт Левандовски гурван минутын дотор хоёр гоол оруулж, Барса 4-0 гэсэн гоолын харьцаагаар ялсан бол, хариу тоглолтод Килиан Мбаппе хет-трик хийсэн ч Барселона 4-3 гоолын харьцаатай ялалт байгуулж байсан.
Эль Класикогийн түүхэнд Барселона нийт 40 удаа ялалт байгуулсан бол Реал Мадрид 32 удаа ялжээ.
Эх сурвалж: 101GreatGoals
