Атлетико Мадрид Реал Мадридыг 5-2 гоолын харьцаагаар буулган авч, Симеоне баяртай байна
Атлетико Мадридын ахлах дасгалжуулагч Диего Симеоне Реал Мадридыг 5-2 гэсэн гоолын харьцаагаар хожсоны дараа баяртай байгаагаа илэрхийлж, энэхүү ялалтыг “Өрсөлдөгчөө хожсон том амжилт” хэмээн тодотголоо. Энэ ялалт нь улирлын эхэнд тааруу эхэлсэн Атлетикод шинэ итгэл найдвар өгч байна.
Тоглолтын өмнө Симеонегийн ирээдүйг тойрсон эргэлзээ, шүүмжлэл нэмэгдэж байсан ч тэрээр Метрополитано цэнгэлдэх хүрээлэнд болсон энэ дербид багийнхаа гайхалтай тоглолтоор хариу өгч, шүүмжлэгчдээ чимээгүй болголоо.
Жулиан Алварезийн хоёр гоол, түүнчлэн Робин Ле Норманд, Александр Сорлот, Антуан Гризманн нарын гоолууд Атлетикод мартагдашгүй ялалтыг авчирсан юм. Энэхүү ялалтын өмнө тэд Ла Лигийн эхний зургаан тоглолтоос ердөө есөн оноо цуглуулсан байв.
❤️ ATLÉTICO DE MADRID 🤍 pic.twitter.com/E3OCD792Wl
— Atlético de Madrid (@Atleti) September 27, 2025
Харин эсрэг талд, улирлыг 100 хувийн амжилттай эхлүүлсэн Реал Мадрид Килиан Мбаппе, Арда Гүлер нарын гоолыг үл харгалзан, энэ шөнө Атлетикод дийлдлээ. Ялагдал нь Реалд Ла Лигийн тэргүүн байрнаас ухрах эрсдэлийг бий болгож байна. Ялангуяа хэрвээ Барселона Реал Сосьедадтай хийх тоглолтдоо ялалт байгуулвал.
Тоглолтын дараа Симеоне сэтгүүлчдэд хандан:
“Бид эхнээсээ л гайхалтай байсан. Баг маань юу хийхээ мэдэж байсан. Би маш их баяртай байна. Бид хүмүүст хэрэгтэй баярыг өглөө. Энэ бол өрсөлдөгчдөө хожсон том амжилт” хэмээн сэтгэл хангалуун мэдэгдлээ.
Энэхүү үр дүн Атлетиког аваргын төлөөх өрсөлдөөнд эргэн татаж, улаан-цагаан өмсгөлтнүүдийн сэтгэл зүйг сэргээж өглөө. Харин Реалын хувьд Хаби Алонсо болон түүний бүрэлдэхүүнд гашуун сургамж болж байна.
Ирэх мягмар гарагт Атлетико Мадрид Аваргуудын лигт Айнтрахт Франкфуртыг гэртээ хүлээн авна. Харин Реал Мадрид Кайратын талбайд зочлон тоглож, энэ ялагдлыг нөхөхөөр хичээх юм.
📌 Эх сурвалж: 101GreatGoals
