BMW устөрөгчийн технологийг орхихгүй
BMW цахилгаанжуулалтад бүхнээ зориулж байгаа мэт харагдаж болох ч, тус компанийн хувьд загварын олон янз байдлыг хадгалах нь чухал хэвээр байна. Одоо BMW X5 загвар түүхэндээ анх удаа таван төрлийн хөтлөх системтэйгээр хэрэглэгчдэд хүрэх гэж байна. Цэвэр цахилгаан, залгуурт гибрид, бензин, дизель (АНУ-аас бусад зах зээлд) болон устөрөгчийн түлшний эсийн хувилбар.
Устөрөгчийн технологи шинэ зүйл биш
BMW болон X5 загварын хувьд устөрөгч шинэ зүйл биш. Гэсэн ч өмнө нь энэ технологи зөвхөн цөөн тооны зах зээлд л хязгаарлагдмал хүрээнд ашиглагдаж байв. Харин одоо BMW-ийн өндөр зэрэглэлийн SUV загвар устөрөгчийн сонголттойгоор дэлхий даяар хүссэн хүнд нь нээлттэй болж байна.
BMW яагаад устөрөгчөөр явдаг X5-г гаргаж байна вэ?
Шинэ төрлийн хөдөлгүүр, хөтлөх систем бүр өөрийн гэсэн сорилт, нэвтрэх динамиктай байдаг. Цахилгаан автомашинууд зах зээлд анх гарч ирэх үед нийтэд зориулсан цэнэглэгч станц цөөхөн байсан бол өнөөдөр Walgreens дэлгүүр хүртэл цэнэглэгчтэй болжээ.
Үүнтэй адил устөрөгчийн түлшний технологи ч нэвтрэх бэрхшээлтэй тулгарч байгаа: их хэмжээгээр үйлдвэрлэхэд өртөг өндөр, дахин цэнэглэх дэд бүтэц хангалтгүй, түүнчлэн устөрөгчийг үйлдвэрлэхэд чулуужсан түлш ашигладаг. Гэсэн ч энэ бүхнийг өөрчлөх боломжтой гэж BMW итгэж байна.
BMW-ийн Удирдах зөвлөлийн гишүүн, Хөгжлийн албаны дарга Joachim Post хэлэхдээ:
“X5 загварыг таван төрлийн хөтлөх системтэйгээр гаргаж буй нь манай технологийн уян хатан, тэргүүлэгч байр суурийг илтгэнэ. Устөрөгч нь дэлхийн хэмжээнд нүүрстөрөгчийн ялгарлыг бууруулахад чухал хувь нэмэр оруулах бөгөөд бид энэхүү технологийг хөгжүүлэхэд тууштай ажиллаж байна” гэжээ.
Устөрөгч BMW-д төдийгүй дэлхийд чухал технологи
Цахилгаан автомашинууд бүх асуудлыг шийдэж чадахгүй. Жишээ нь, хүйтэн уур амьсгалтай бүс нутгуудад цахилгаан машин тохиромжгүй байж болох ч устөрөгч энэ хэрэгцээг хангаж чадна. Тиймээс олон төрлийн технологийг зэрэг хөгжүүлэх нь зайлшгүй юм.
BMW-ийн iX5 Hydrogen загвар нь масс үйлдвэрлэлд зориулсан анхны устөрөгчөөр явдаг SUV болж магадгүй. Tesla зах зээлд цахилгаан машиныг таниулсан шиг, BMW устөрөгчийг нийтэд хүргэх эхний алхмуудыг хийж байна. Хэдий устөрөгчийг өнөөг хүртэл ихэвчлэн чулуужсан түлшээр гаргаж байгаа ч, түүнийг шатах үед хүлэмжийн хий ялгаруулдаггүй тул агаарын чанарыг сайжруулдаг. Дахин цэнэглэх хугацаа ч богино бөгөөд одоогийн шатахуун түгээх станцуудаар ашиглах боломжтой.
iX5 Hydrogen нь Toyota компанитай хамтран хөгжүүлж буй гурав дахь үеийн устөрөгчийн түлшний системээр тоноглогджээ. Энэхүү систем нь илүү авсаархан, хүчирхэг, үр ашигтай байх бөгөөд BMW нийт зай болон эрчим хүчний хэрэглээг бууруулахыг зорьж байна.
Дүгнэлт
Устөрөгч бол төгс шийдэл биш. Үйлдвэрлэл нь өндөр өртөгтэй, ногоон эрчим хүчээр бүрэн орлуулах хүртэл хугацаа шаардана. Гэсэн ч илүү олон компани ижил төстэй технологи хөгжүүлж, хэрэглээнд нэвтрүүлснээр шийдэл улам ойртох болно.
Би iX5 Hydrogen-ийг үйлдвэрлэлд орохоос нь өмнө жолоодож үзсэн. Цахилгаан автомашины адил хурдан, бензин машин шиг богино хугацаанд цэнэглэгддэг, хөдөлгүүрийн дуу чимээ бага — үнэндээ “аз жаргалтай дундаж” гэх тодорхойлолт тийм ч хол зөрөхгүй биз ээ. Энэхүү технологийг илүү олон үйлдвэрлэгчээс харахыг хүсэж байна.
Эх сурвалж: Autoblog
