Ливерпүүл шинэ стратеги эрэлхийлж байна
Ливерпүүлийг удирдаж буй Арне Слот баг нь Премьер лигт дараалан хожигдсоны дараа ялалтын замд эргэн орохын тулд шинэ шийдэл хайж байгаа талаар мэдэгдлээ.
Слотын баг өнгөрсөн долоо хоногт Галатасарай болон Кристал Паласт хожигдсон. Тэрээр энэ улиралд өрсөлдөгч багууд илүү хамгаалалттай, хаалттай тоглолтыг сонгож байгааг онцлон дурдлаа. Ливерпүүл одоогоор тэдгээр “Хамгаалалтын блок”-ийг сэтлэх үр дүнтэй арга зам олж чадаагүй байна.
“Өнгөрсөн улирлын эхэнд багууд бидэнтэй өөрөөр тоглодог байсан. Бид тухайн үед лиг болон Аваргуудын лигийн тэргүүн байрт явж байсан. Харин одоо өрсөлдөгчдийн хандлага өөрчлөгдөж байна. Бид үүнд тохируулан тоглолтоо өөрчлөх шаардлагатай,” хэмээн Слот ярьжээ.
Premier League fixture difficulty for the next 5 matches 👇
— Opta Analyst (@OptaAnalyst) October 1, 2025
Arsenal = the easiest
Liverpool = second-hardest
It's on 🍿🍿🍿 pic.twitter.com/Wtrc3qnExu
Мөн тэрээр:
“Өнгөрсөн улиралд бид стандарт тоглолтын хувилбаруудыг ашиглан хамгаалалтын блокийг давдаг байсан. Харин энэ улиралд тэгж чадаагүй байна,” гэж нэмж хэлжээ.
Алисоныг орлох шинэ хаалгач
Хаалгач Алисон Бекер дунд долоо хоногт хөлний булчингаа гэмтээж, ойролцоогоор зургаан долоо хоногийн турш талбайд гарахгүй болжээ. Түүнийг 10-р сарын 19-нд Манчестер Юнайтедтай хийх гэрийн тоглолтод эргэн ирж магадгүй хэмээн тооцоолж байна.
Слот Челсигийн эсрэг тоглолтын өмнө:
“Алисон маргаашийн тоглолтонд оролцохгүй, мөн Бразилийн шигшээд ч дуудагдахгүй” хэмээн мэдээлжээ.
Тэрээр мөн:
“Түүний эдгэрэлтийн явцаас шалтгаална. Гэхдээ олон улсын завсарлагааны дараах эхний тоглолтонд оролцоно гэдэг нь одоогоор тодорхойгүй байна” гэжээ.
Алисоны гэмтлийн улмаас зуны шинэ элсэлт Гиорги Мамардашвили Стамфорд Бридж дээр Премьер лигийн дебютээ хийхээр болж байна.
“Бид түүнийг авчрахдаа маш сайн хаалгач гэдгийг нь мэдэж байсан. Тэр Саутхэмптоны эсрэг Карбао цомын тоглолтод анхныхаа тоглолтыг хийж, бидний тоглолтын хэв маягт хурдан дасан зохицож чадсан,” хэмээн Слот онцолжээ.
“Энэ нь гайхмаар зүйл биш. Тэр бол жинхэнэ чанартай хаалгач,” гэж нэмж хэлсэн байна.
Эх сурвалж: 101greatgoals
