The Batman Part II: Хүлээлт, найдвар, цуу яриа
Хэрвээ бүх зүйл төлөвлөгөөний дагуу явсан бол бид энэ амралтын өдрүүдэд “The Batman Part II” киног кинотеатруудад үзэж байх байлаа. 2022 онд Мэтт Рийвзийн найруулсан анхны ангийг үзэгчид өндрөөр үнэлсэн бөгөөд үргэлжлэл нь анхнаасаа 2025 оны 10-р сарын 3-нд гарахаар товлогдсон байсан ч Холливудын зохиолч, жүжигчдийн ажил хаялт болон бусад шалтгаанаар дахин дахин хойшлогдсон. Одоогийн байдлаар уг кино 2027 оны 10-р сарын 1-нд нээлтээ хийх товтой байна.
Хугацаа хойшилсон ч фенүүдийн хүлээлт буурсангүй, харин ч улам оргилдоо хүрч байна. Шинэ ангид Робин гарч ирэх үү? Шувууны шүүх (Court of Owls) эсвэл Ноён Фриз гол эсрэг дүр болох уу? Роберт Паттинсон шинэ эхлэлтэй DC Universe-ийн албан ёсны Батман болох уу?
Эдгээр асуултууд олон нийтийн анхаарлыг татсаар байгаа нь DC-ийн хамтран ерөнхийлөгч Жеймс Ганны зүгээс Мэтт Рийвзийг хамгаалж, “Түүнийг тайван орхи” хэмээн хэлэхэд хүргэсэн. Сүүлийн жилүүдэд супер баатрын кинонд хэтэрхий их цуурхал, алдагдсан мэдээлэл эргэлдэж, фенүүд албан ёсны мэдээлэл хомс үед хамгийн өчүүхэн догол мөрөөс ч шинэ санаа, таамаг дэвшүүлдэг болсон.
Зарим мэдээлэл үнэнд ойрхон байж болох ч нэлээдгүй нь үндэслэлгүй. Гэхдээ албан ёсны эх сурвалжууд олон хоног нам жим байвал “Төсөл цуцлагдсан болов уу” гэсэн болгоомжлол улам ихэсдэг.
Гэсэн ч “The Batman Part II” эсвэл Insomniac-ийн “Wolverine” тоглоомын хувьд фенүүд тайван байж болно. WB болон Sony шиг томоохон студиуд ийм хэмжээний төсөл цуцалбал тэр нь хэдийн ил болох байлаа. Гэсэн ч тэд Batgirl эсвэл Last of Us тоглоомын олон тоглогчтой хувилбар гэх мэт төсөл цуцалж байсан нь фенүүдийн болгоомжлолыг нэмэгдүүлж буй.
Хүлээлт үргэлжилсээр. Фенүүд ирээдүйн тухай мэдэхийг хүсдэг, мэдэх ч болно. Харин бүтээгчдийн хувьд энэ кинонд шаардлагатай бүх цагийг зарцуулах эрхтэй. Хэрэв томоохон саад бэрхшээл гарахгүй бол “The Batman Part II” супер баатрын кино ертөнцөд өөрийн байр сууриа баттай хадгална гэдэгт эргэлзэх зүйлгүй.
Эх сурвалж: Gizmodo
