🪶 Эртний гутал олдсон нь: Өмнөд Испанийн тас шувууны үүрнээс илэрсэн сонирхолтой олдворууд
Өмнөд Испанийн нэгэн хадны агуйн тас шувууны үүрнээс эрдэмтэд дундад зууны үеийн өвөрмөц гутал илрүүлжээ. Мөн ойролцоох үүрнүүдээс олон зуун жилийн турш тас шувууд арьс, даавуу, ургамлын ширхэг зэрэг хүний хэрэглэж байсан эд зүйлсийг үүрээ чимэглэхэд ашиглаж байсныг тогтоосон байна.
Пиренейн Экологийн Хүрээлэнгийн экологич Антони Маргалидагийн хэлснээр, “Агуйн байгалийн нөхцөл эдгээр эд зүйлсийг маш сайн хадгалсан бөгөөд үүрнүүдийг байгалийн жижиг музей гэж хэлж болно” гэжээ.
🦴 Тас шувууны үүрнээс илэрсэн нандин олдворууд
2023 оны 9-р сарын 11-нд Ecology сэтгүүлд нийтлэгдсэн судалгаагаар Антони Маргалида болон түүний баг өмнөд Испанид яс иддэг тас шувууны 12 үүрийг судалжээ. Энэ зүйл нь 70 гаруй жилийн өмнө тухайн бүс нутгаас устаж үгүй болсон гэж үздэг.
Судалгааны явцад үүрнүүдээс яс, туурай, өндөгний хальс зэрэг амьтны гаралтай үлдэгдэл илэрснээс гадна, 9%-ийг хүний гаралтай эд зүйлс бүрдүүлжээ. Тэдгээрийн дунд арьс, даавуу, эспарто өвсөөр хийсэн зүйлс байв. Эспарто өвсийг олон зууны турш гутал, сагс зэрэг эдлэл хийхэд ашигладаг бөгөөд нүүрстөрөгчийн он тогтоох шинжилгээгээр илэрсэн гутал нь ойролцоогоор 750 жилийн настай болохыг тогтоосон байна.
🏺 “Байгалийн музей” болсон үүрнүүдийн ач холбогдол
Судлаачдын үзэж буйгаар, ийм үүрнүүд нь Испанийн археологийн хувьд маш үнэ цэнтэй олдвор юм. Учир нь Иберийн хойгийн агуй, хадны оромжууд нь тогтвортой температур, бага чийгшилтэй тул органик үлдэгдлийг он удаан жил хадгалах онцгой нөхцөл бүрдүүлдэг.
Цаашид судалгааны баг эдгээр үүрнүүдийг үе үеэр нь судалж, биологийн болон хүний гаралтай үлдэгдлийн гарал үүсэл, цаг хугацааг илүү нарийн тодорхойлох ажлыг үргэлжлүүлэхээр төлөвлөж байна.
Эх сурвалж:
🔗 Live Science
