Шведийн дасгалжуулагч Томассон: Гёкересийн шүүмжлэгчид хөлбөмбөгийн талаар ойлголтгүй
Шведийн шигшээ багийн дасгалжуулагч Жон Дал Томассон Арсеналд шинэ улирлаа эхлүүлээд буй Виктор Гёкересийг хамгаалж, түүнийг шүүмжилж буй хүмүүсийг хөлбөмбөгийн талаар ойлголтгүй гэж шүүмжиллээ.
Гёкерес энэ оны 7-р сард Спортинг Лисбонтой хийсэн гайхалтай улирлынхаа дараа Арсеналд 63.5 сая фунт стерлингийн (£63.5m / ойролцоогоор 277 тэрбум төгрөг) үнэ бүхий гэрээгээр ирсэн. Гэвч тэрбээр Арсеналын төлөө хийсэн эхний 10 тоглолтдоо ердөө гурван гоол оруулаад байна. 8-р сард Лийдс Юнайтедийг 5-0 гэсэн гоолын харьцаагаар хожиход хоёр гоол оруулсан ч, 9-р сарын 13-нд Ноттингем Форестыг 3-0 гоолын харьцаагаар хожих үеэс хойш дахин гоол хийгээгүй байгаа юм.
Ингэснээр Гёкерес олон улсын завсарлагааны дараа Арсеналын төлөө дахин гоол оруулах хүртэл нэг сар гаруй хугацаа өнгөрөхөд хүрч байна.
Томассон: “Хэрвээ түүнийг муу тоглож байна гэж бодож байвал, та хөлбөмбөгийн талаар ойлголтгүй хүн”
Томассон Гёкересийн тоглолтыг шүүмжилж буй үзэл бодлыг эрс няцааж, түүний багт үзүүлж буй нөлөөг онцлон тэмдэглэв.
“Виктор одоогоор маш сайн формтой байгаа. Хэрвээ хүмүүс түүнийг нөлөө үзүүлэхгүй байна гэж бодож байвал, тэд хөлбөмбөгийн талаар үнэхээр ойлголтгүй байна гэсэн үг” гэж Томассон хэлжээ.
“Тэрээр бусад тоглогчдод зай гаргаж, бөмбөгтэй ухаалгаар ажиллаж, маш идэвхтэй гүйлт хийдэг. Энэ бүгд түүний чухал нөлөөг харуулж байна. Шинэ клубт ирэхэд дасан зохицох хугацаа шаардлагатай байдаг нь ойлгомжтой” гэж тэр нэмж хэлсэн байна.
Гёкерес Шведийг аваргын мөрөөдөлд хөтлөхөөр бэлтгэж байна
Одоо Гёкерес Томассоны итгэлийг хариулахын тулд Шведийн шигшээ багийн ДАШТ-ий чухал шатны тоглолтуудад бэлтгэж байна. Тэд гэртээ Швейцарьтай тоглож, дараа нь Косовогийн эсрэг зочлон тоглоно.
Швед өмнөх шатанд Словенитэй тэнцэж, гэрийн талбайдаа Косовод хожигдсон нь тэдний ирэх жилийн ДАШТ-д оролцох боломжийг эрсдэлд оруулсан юм. Одоогоор тэд B хэсгийн тэргүүлэгч Швейцариас тав, Косовогийн ард хоёр оноогоор хоцорч байгаа бөгөөд дөрвөн тоглолт үлдээд байна.
Эх сурвалж: 101greatgoals
