Хьюстон их сургуулийн шинэхэн тоглогч Кингстон Флемингсийг NBA-гийн олон шинжээчид хуучин MVP Деррик Роузтой зүйрлэж байна. Роуз шиг “булан эргүүлж, цэвэр оролт хийх чадвар нь онцгой бөгөөд үүнийг Флемингс ч мөн харуулж чаддаг” хэмээн Зүүн бүсийн нэгэн скаут онцолжээ.
Флемингс болон түүний багийн анд Крис Сенак нар Келвин Сэмпсоны удирдлаган дор амжилттай тоглож байгаа нь олны хүндэтгэлийг хүлээж байна. Сэмпсоны баг нь өндөр шаардлагатай бөгөөд тоглогчдын хичээл зүтгэлийг үнэлдэгээрээ алдартай.
“Тэрээр тэдний хоёр хамгаалагчийн системд тоглохдоо плеймейкерийн бүх чадварыг харуулсан. Ухаалаг, багийнхаа гишүүдийг сайжруулдаг, байрлалын хувьд тохирсон бие хаа, шидэлт, эрч хүнтэй хамгаалалт гээд бүх зүйлийг хангалттай хийж чадна” хэмээн Баруун бүсийн нэгэн скаут дүгнэлээ.
Кингстон Флемингс энэ улиралд 32 тоглолтод 31.6 минутанд дунджаар 16.5 оноо, 5.3 дамжуулалт, 3.9 самбараас бөмбөг авалт, 1.6 бөмбөг таслалт гүйцэтгэжээ. Түүний гурван онооны шидэлтийн хувь 38.5%, чөлөөт шидэлтийн хувь 83.5% байгаа аж.
https://basketball.realgm.com/player/Kingston-Flemings/Summary/216043
