Бэртэлтэй тоглогчдын оронд туршлагатай төвийн тоглогчтой гэрээ байгууллаа.
Голдэн Стэйт Уорриорс багт томоохон тоглогчдын бэртэл нэмэгдэж, төвийн тоглогч Омер Юртсевэнтэй 10 хоногийн гэрээ байгууллаа. Тус багт ойрын үед Ал Хорфорд, Дрэймонд Грин зэрэг тоглогчид бэртэл авсан бол Кристапс Порзингис ч энэ улиралд байнга бэртэл, өвчний улмаас талбайд гарах нь хомсдоод байгаа юм.
Юртсевэн энэ улирлыг Грекийн Панатинаикос багт эхлүүлж, 29 тоглолтод дунджаар 14.1 минутад 7.9 оноо, 4.3 самбараас бөмбөг авалт хийсэн үзүүлэлттэй байв.
Гуравдугаар сарын эхээр Панатинаикос багаа орхисон тэрээр дараа нь G лигийн Рио Гранде Валлей Вайперс багт нэгдсэн. G лигт хоёр тоглолтод оролцохдоо Юртсевэн 16.5 оноо, 14 самбараас бөмбөг авалт, 2 хаалт хийсэн амжилт үзүүлжээ.
