Карри гэмтлээсээ эдгэрч улирлын үлдсэн тоглолтуудад оролцохоор зорьж байна
Голдэн Стэйт Уорриорс таван дараалсан хожигдол хүлээж, плей-оффын байр сууриа алдах эрсдэлтэй тулгарчээ. Гарааны тоглогч Стивен Карри өвдөгний гэмтлээсээ болоод 18 тоглолт дараалан талбайгаас гадуур байгаа бөгөөд түүний эргэн ирэлт 3 дугаар сарын 22-ны дотор тодорхой болох юм. Карри энэ улиралд эргэн ирж, багийнхаа плей-оффын тэмцээнд оролцохыг зорьж буйгаа илэрхийлсэн байна.
Өмнө нь Голдэн Стэйт баруун бүсийн 8 дугаар байранд байсан ч одоо 9 дүгээрт ухарч, Портланд Трэйл Блэйзерс тэднийг гүйцэх магадлал өндөр байна. Карригийн гэмтэл сайжрахгүй байгаа нь багийн амжилтанд сөргөөр нөлөөлж байгаа бөгөөд түүний эргэн ирэлт багийн тоглолтын чанарт шууд нөлөөлөх юм. Тэрбээр сүүлийн ярилцлагадаа бэртлээ бүрэн эдгээж, аюулгүй тоглох боломжтой бол улирлын үлдсэн тоглолтуудад оролцох хүсэлтэй байгаагаа илэрхийлжээ.
Голдэн Стэйт Уорриорс энэ сарын 16-нд Вашингтон Уизардстай талбайдаа хийх тоглолтод ялалт байгуулж, хожигдлын цуваагаа зогсоох шаардлагатай байна. Багийн гол тоглогч Жимми Батлер ACL гэмтлээсээ болоод талбайгаас гадуур байгаа бөгөөд бусад тоглогчид нь плей-оффын өндөр түвшний өрсөлдөөнд бэлэн бус байгаа юм. Гэсэн ч дөрвөн удаагийн NBA аварга Карри тав дахь цомоо авах зорилготой байна.
