Реал Сосиедадын хагас хамгаалагч Кубо Ливерпүүлд ирэх зуны трансферийн гол зорилт болжээ.
Реал Сосиедадын жапан довтлогч Такефуса Кубо Ливерпүд сонирхол татаж байна. Тэрбээр Барселона, Реал Мадрид, Вильярреал, Майорка зэрэг клубүүдэд тоглосны дараа 2022 онд Сосиедадтай гэрээ байгуулж тоглолтын тогтвортой байдлаа сэргээсэн. Одоогоор клубтээ 157 тоглолтод оролцож, 25 гоол, 21 дамжуулалт хийжээ. Мөн Японы шигшээ багийн бүрэлдэхүүнд 48 удаа тоглосон туршлагатай.
Ливерпүүл Мохамед Салах клубээс явах магадлал өндөр байгаатай холбогдуулан Кубогийн төлөө 69 сая фунтын санал тавихад бэлэн байгаа талаар Испанийн Fichajes мэдээлэв. Салахыг орлох хамгийн тохиромжтой тоглогчоор Кубог нэрлэж, түүний хурд, нэг нэгэнтэй тоглох чадвар, бүтээлч байдлыг онцолжээ.
Салах 2017 оноос хойш Ливерпүүлд гол тоглогч болж, дөрвөн удаа Премьер лигийн Алтан гутал хүртсэн бөгөөд клубын түүхэн дэх хамгийн их гоолын оролцоотой тоглогч болсон. Гэсэн хэдий ч Кубо Европт ирснээс хойш гоол, дамжуулалтын тоогоороо хоёр оронтой тоонд хүрч байгаагүй нь түүний хувьд сорилт болж байна.
https://football-talk.co.uk/topics/liverpool/
