Лос Анжелес Лейкерс Хьюстон Рокетстэй талбайн бус тоглолтод 100-92-оор хожиж Баруун бүсийн гуравдугаар байранд байрлалаа бэхжүүлэв. Энэ нь Лейкерсийн зургаа дахь дараалсан ялалт, сүүлийн 10 тоглолтод ес дэх ялалт байлаа. Одоогоор Рокетсээс нэг, Миннесота Вулвэс болон Денвер Нагетсээс хоёр тоглолтоор илүү байна.
Лейкерсийн амжилтанд гол үүрэг гүйцэтгэж буй Лука Дончич өнгөрсөн шөнө 36 оноо авснаар зургаа дахь дараалсан 30-аас дээш оноо авсан тоглолтоо хийжээ. Тэрбээр Лейкерсийн бүрэлдэхүүнд ирснээс хойш 52 дахь удаагаа 30-аас дээш оноо авсан нь багийн домог Жеймс Уортигийн амжилтыг давсан үзүүлэлт юм. Уорти энэ амжилтыг 14 жилийн хугацаанд бүтээсэн бол Дончич ердөө 84 тоглолтонд хүрчээ.
Уорти энэ үзүүлэлтийг хараад итгэж ядсан бөгөөд Дончичийн амжилтыг нэг улирлын тоглолтын тоогоор бүтээсэн гэдгийг онцолсон байна. Дончич одоогоор улирлын дундаж 32.9 оноогоор лигийг тэргүүлж, Лейкерсийг Баруун бүсийн шилдэг багуудын нэг болгожээ.
