Теренс Кроуфорд Канело Альварестэй хийсэн аваргын бүсний тулааныг Zuffa Boxing зохион байгуулсныг өндрөөр үнэлжээ.
Холимог тулааны UFC-г дэлхийд тэргүүлэгч болгосон Дана Уайт боксын салбарт орж, Zuffa Boxing нэртэйгээр дөрвөн удаагийн тулаан зохион байгуулсан байна. Түүний оролцоо боксын зарим томоохон промоутеруудын шүүмжлэлд өртсөн ч, Конор Беннийг 15 сая ам.долларын гэрээгээр багтаасан зэрэг томоохон алхам хийжээ.
2023 оны 9-р сард Уайт Канело Альварес, Теренс Кроуфорд нарын аваргын бүсний тулааныг Лас Вегасын Allegiant Stadium-д зохион байгуулсан бөгөөд Кроуфорд шүүгчдийн санал нэгтэй шийдвэрээр ялалт байгуулж супер дунд жингийн аварга болсон юм. Тэрбээр 12-р сард зодог тайлсан ч боксын үйл явдлыг идэвхтэй дагаж байгаа аж.
Кроуфорд Adin Ross-той хийсэн шууд нэвтрүүлэгт Zuffa Boxing-ийн оролцоо боксын спортод эерэг нөлөөтэй хэмээн үзэж байгаагаа илэрхийлжээ. Тэрбээр “Ихэнх үзэгчдийг татах ямар ч зүйл боксын төлөө сайн. Тэд өрсөлдөөнтэй тулаануудыг зохион байгуулж байна” гэжээ.
Zuffa Boxing энэ жил Лас Вегасын Meta Apex-д дөрвөн тулаан зохион байгуулсан бөгөөд дараагийн тулаан 4-р сард товлогдсон байна.
