АНУ-ын Төв командлалын хуучин командлагч Жозеф Вотел Иран улсаас Хормузын хоолойд үүсгэж буй нөхцөл байдал болон цаашдын ажиллагааны талаар байр сууриа илэрхийллээ.
АНУ-ын Төв командлалын (CENTCOM) хуучин командлагч, хошууч генерал асан Жозеф Вотел Иран улсаас Хормузын хоолойд үүсгэж буй нөхцөл байдал, түүний улмаас үүдээд буй геополитик хурцадмал байдлын талаар дэлгэрэнгүй ярилцлага өглөө. Тэрээр 2016-2019 онд уг бүс дэх АНУ-ын цэргийн ажиллагааг удирдаж байсан бөгөөд Персийн булан болон Оманы булангийн хоорондох чухал ач холбогдолтой энэ бүсэд үүсэх боломжит нөхцөл байдлуудыг төлөвлөхөд онцгой анхаарал хандуулж байсан юм. Дэлхийн нефтийн 20 орчим хувь нь дамжин өнгөрдөг Хормузын хоолой нь одоогоор Иранаас шахалтад өртөөд байна.
Генерал Вотел Иран улсаас энгийн иргэний байгууламжууд болох зочид буудал, нисэх онгоцны буудлуудыг онилж халдсан нь анхны төлөвлөгөөнөөс гадуур байсан гэдгийг онцлон тэмдэглэв. Гэсэн хэдий ч Хормузын хоолойг хаах оролдлого нь хүлээгдэж байсан зүйл байсан гэлээ. Учир нь Иран улсын хувьд энэ нь өөрийн гол давуу тал бөгөөд тус хоолойн стратегийн ач холбогдлыг тэд сайн мэддэг. Ойрх Дорнодын орнууд, тэр дундаа Саудын Араб, АНЭУ зэрэг улсууд Ираны халдлагыг тэсвэрлэж байгаа ч тэдний тэвчээр хязгаартай бөгөөд АНУ болон Израилын хариу арга хэмжээг анхааралтай ажиглаж байгааг дурдлаа.
Хормузын хоолойд хөлөг онгоцуудыг хамгаалах, мина цэвэрлэх ажиллагаа нь бүрэн боломжтой хэмээн тэрээр үзэж байна. АНУ-ын Тэнгисийн цэргийн хүчин ийм төрлийн ажиллагааг гүйцэтгэх бүрэн чадавхтай бөгөөд шаардлагатай бүх нөөцтэй. Гэхдээ энэ нь эхлээд Ираны цэргийн чадавхыг бууруулах ажиллагааг амжилттай дуусгасны дараа боломжтой болно. Мина цэвэрлэх ажиллагаа нь удаан, төвөгтэй бөгөөд энэ нь хамгийн хүндрэлтэй асуудал байж болзошгүй юм. Иран улсаас мина тавьсан нь ажиллагааны хугацааг уртасгаж, том хэмжээний экологийн гамшигт хүргэж болзошгүйг тэрээр анхаарууллаа.
https://www.twz.com/news-features/former-centcom-commanders-candid-take-on-the-situation-in-the-strait-of-hormuz
WATCH: German Defence Minister Boris Pistorius:
We did not start this war.
What does the world expect, what does Donald Trump expect from a handful or two handfuls of European frigates to achieve there in the Strait of Hormuz, which the powerful American Navy cannot manage… https://t.co/lO4WR2zly3 pic.twitter.com/MWwu3U4xyS
— Clash Report (@clashreport) March 16, 2026
تقوم القوات الأمريكية بتدمير أهداف بحرية إيرانية تُهدد الملاحة الدولية في مضيق هرمز ومحيطه. #الغضب_الملحمي pic.twitter.com/9iySktQvpR
— U.S. Central Command – Arabic (@CENTCOMArabic) March 19, 2026
