Тус хамтлагийн шинэ цомог “ARIRANG” гарсан даруйдаа борлуулалтын болон чартын амжилтаар олон дээд амжилтыг тогтоожээ.
BTS хамтлаг гуравдугаар сарын 20-нд “ARIRANG” цомог болон “SWIM” нэрийн дуутайгаа эргэн ирсэн нь хөгжмийн ертөнцийг шуугиулав. Цомог гарсны эхний өдөртөө л Hanteo Chart-д 3,981,507 хувь борлогдож, 2020 онд гарсан “Map of the Soul: 7” цомгийнхоо эхний долоо хоногийн борлуулалтын 3,378,633 хувийн амжилтыг ердөө нэг хоногийн дотор давлаа.
“ARIRANG” болон “SWIM” дуу нь гарсан даруйдаа Солонгосын болон олон улсын хөгжмийн чартуудыг тэргүүлсэн. Гуравдугаар сарын 21-ний байдлаар “SWIM” дуу нь Melon, Bugs, Genie, FLO зэрэг дотоодын томоохон чартуудад нэгдүгээр байрт бичигдэж, Melon Top 100 чартын эхний хоёр байрыг “SWIM” болон “Body to Body” дуунууд эзэлсэн байна.
Олон улсын хэмжээнд “SWIM” дуу нь АНУ, Япон, Их Британи, Герман, Франц зэрэг 90 гаруй улсын iTunes Top Songs чартын тэргүүн байрт, харин “ARIRANG” цомог нь Итали, Мексик, Швед зэрэг 88 гаруй улсын iTunes Top Albums чартыг тэргүүлжээ. Мөн “SWIM” дууны видео YouTube-ийн тренд жагсаалтад 70 гаруй улсад тэргүүлсэн байна.
https://www.soompi.com/2026/03/02/bts-breaks-personal-records-with-highly-anticipated-comeback-with-arirang-and-swim/
