Шинэхэн аварга Дэвин Хэйни болон Роландо Ромеро нар энэ тавдугаар сард welterweight буюу хүнд жингийн дэлхийн аварга цолыг нэгтгэх тоглолтоо хийх төлөвтэй байна. Энэхүү тулааныг боксчин Кейшон Дэвис онцолж, өөрийн таамаглалаа хуваалцлаа.
Хэйни өнгөрсөн арваннэгдүгээр сард Брайан Норман Жр-г буулган авч WBO холбооны welterweight бүсийг хүртсэн бол Ромеро өнгөрсөн тавдугаар сард Райан Гарсиаг ялж, WBA холбооны сул байсан аваргын бүсийг авч, дараа нь бүрэн аварга болсон билээ.
Өмнө нь WBO холбооны хөнгөн жингийн аварга байсан Кейшон Дэвис, тулааны жингээс хэтэрснээс болж бүсээ хураалгасан юм. Үүний дараа тэрээр супер хөнгөн жинд шилжин орж, энэ оны нэгдүгээр сард Жамейн Ортизыг нокаутаар ялж, дахин амжилттай эргэн ирсэн.
Гэсэн хэдий ч, тулааны дараах ярилцлагадаа Дэвис welterweight жинд дэвшиж, Хэйнитэй тулалдах төлөвлөгөөтэй байгаагаа илэрхийлсэн бөгөөд 2021 оноос хойш хөнгөн жингээс дээш нэг л удаа тулаалдсан юм.
Харин Хэйни нь Ромеротой хийх энэхүү нэгтгэх тулааныг илүүд үзсэн бололтой. Гэхдээ “Бизнесмен” хочит Дэвис ялагчтай нь welterweight дивизэд “аваргын тулаан”-д оролцохоор тохиролцсон гэдгээ мэдэгдээд байгаа юм.
FightHype сувгаар ярилцлага өгөхдөө Дэвис, Ромеротой утсаар ярьж байсан туршлагаасаа хуваалцан, тулааныг “50/50” хэмээн тодорхойлжээ.
“Хэйни-Ромерогийн тулаан уу? Би үүнийг 50/50 гэж бодож байна. Мэдээж 50/50 тулаан. Би Роллитой утсаар ярьсан, түүний хэр ноцтой байгааг би мэднэ. Хүн бүр Хэйнийг сүүлийн тулаанаар нь мэддэг. Тиймээс би үүнийг 50/50 тулаан гэж бодож байна” хэмээн тэрээр ярьсан байна.
Хэйни-Ромерогийн тулаан албан ёсоор зарлагдах тохиолдолд тавдугаар сарын 30-ны бямба гарагт Лас Вегас хотын MGM Grand Arena-д болох төлөвтэй байна.
