Өмнөд Солонгосын “Recipe for Love” цувралын шинэ ангиудад дүрүүдийн хоорондын харилцаа илүү гүнзгийрч, үзэгчдийн сэтгэлийг хөдөлгөх үйл явдлууд өрнөх гэж байна.
Өмнөх ангиудад Гүн У Жи (Ким Сөн Бин) өөрийн сэтгэл зүйн асуудлаа илчилсэн бол Хан Сөн Ми (Ю Хо Жүн) хүүгийнхээ сургуулиа орхих зоримог шийдвэрийг дэмжсэн билээ. Үүний зэрэгцээ Ян Хён Бин (Пак Ки Вун) Ча Сэ Риг (Со И Хён) гэрээсээ явж, сураггүй болсон хүнд үед нь чухал түшиг тулгуур болж оролцсон юм.
Шинээр цацагдсан зургуудад Хан Сөн Ми болон Гүн У Жи нарын халуун дулаан уулзалтыг харуулжээ. Оройтсон цагаар гэртээ ирсэн Гүн У Жиг ээж Хан Сөн Ми нь хайраар дүүрэн харцаар угтан авч буй хэсэг олны анхаарлыг татаж байна. Хичээл сургуулийн их стрессээс ангижирч, мах шарах газарт цагийн ажил хийн шинэ амьдралаа эхлүүлсэн Гүн У Жи сэтгэл дэх хүнд ачаагаа хаясан мэт харагдах бөгөөд ээж хүү хоёрын харилцаа илүү илэн далангүй, дотно болжээ.
Нөгөө талд Ян Хён Бин болон Ча Сэ Ри нар бие биедээ гүн итгэл хүлээлгэж буйгаа харуулсан байна. Тэд гэрийнхээ ойролцоо халуун дотноор алхангаа ноцтой яриа өрнүүлж буй хэсэгт Ян Хён Биний хөгжөөнт бөгөөд чин сэтгэлийн байдал Ча Сэ Рийн сэтгэлийг ихэд хөдөлгөжээ. Хэдийгээр Ян Хён Бин ээжийгээ ихэд хүндэлдэг ч Гүн гэр бүлийнхэнтэй харилцах асуудал дээр өөрийн гэсэн өвөрмөц байр суурьтай байгаа нь үйл явдлыг улам сонирхолтой болгож байна.
“Recipe for Love” цувралын дараагийн шинэ анги 3-р сарын 22-ны 20:00 цагт (Улаанбаатарын цагаар 19:00 цагт) үзэгчдийн хүртээл болно.
