Лос-Анжелес Лэйкерс болон Орландо Мэжик багуудын тоглолтын төгсгөлд Лука Дончич, Гога Битадзе нарын хооронд үүссэн ширүүн маргаан олны анхаарлыг татсаар байна. Уг үйл явдлын улмаас хоёр тоглогч хоёул техникийн алдаа авсан бөгөөд Дончичийн хувьд энэ нь улирлын 16 дахь алдаа болж, дараагийн тоглолтыг өнжих шийтгэл хүлээхэд хүрээд байгаа юм.
НБА-гийн домогт тоглогч, аналитикч Шеннон Шарп энэ асуудалд байр сууриа илэрхийлэхдээ Гога Битадзег хэл амаа татаж, бусдын гэр бүлийн гишүүдийн талаар хүндэтгэлгүй ярихгүй байхыг хатуу анхааруулжээ. Тэрээр тоглогчид талбай дээр бие биенээ өдөөн хатгаж болох ч гэр бүл, ойр дотны хүмүүсийг нь оролцуулах нь ёс зүйгүй үйлдэл болохыг онцолсон байна.
Харин Гога Битадзе өөрийгөө өмгөөлөхдөө, Лука Дончич өөрөө эхэлж түүний ээжийн талаар зүй бус үг хэлсэн учраас хариуг нь барьж, хэлсэн үгийг нь давтаж хэлсэн хэмээн мэдэгджээ. Одоогоор Лэйкерс багийн зүгээс Дончичийн авсан техникийн алдааг үндэслэлгүй гэж үзэн, лигийн захиргаанд цуцлуулах хүсэлт гаргаад байна. Хэрэв хүсэлтийг хүлээн авбал Дончич дараагийн тоглолтод оролцох боломжтой болох юм.
