2025/26 оны улирлын анхны цомын төлөөх шийдвэрлэх тулаан алдарт Уэмбли цэнгэлдэх хүрээлэнд Арсенал болон Манчестер Сити багуудын хооронд өнөөдөр болно.
Арсенал багийн дасгалжуулагч Микель Артета Аваргуудын лигийн шөвгийн 16-гийн тоглолтоос ердөө хоёр тоглогчийг сольж, шигшээ тоглолтын бүрэлдэхүүнээ базаажээ. Бэртлийн улмаас тоглолтыг өнжиж буй Журриен Тимбер, Эберечи Эзе болон өвдөгний бэртлээсээ бүрэн эдгэрээгүй байгаа ахлагч Мартин Эдегорд нарын оронд Каи Хаверц, Пьеро Инкапие нар гараанд гарсан байна. Мөн үндсэн хаалгач Дэвид Райя бэртэлтэй байгаа тул түүнийг Кепа Аррисабалага орлох боллоо.
Лондоны багийн довтолгоог Букайо Сака, Леандро Троссард нар жигүүрээр дэмжих бол төвд Виктор Гёкерес гол довтлогчоор ажиллана.
Нөгөө талд Манчестер Сити баг Жеймс Траффордыг хаалгандаа зогсоож, хамгаалалтын шугамаа Матеус Нуньес, Абдукодир Хусанов, Нейтан Аке, Нико О’Рейли нараар бэхжүүлжээ. Хагас хамгаалалтад Родри, Бернардо Силва, Райан Черки нар тоглолтыг удирдах бол довтолгооны цэгт Жереми Доку, Антуан Семеньо болон гол найдвар Эрлинг Хааланд нар багтжээ.
Арсеналын гарааны бүрэлдэхүүн: Кепа; Уайт, Салиба, Габриэль, Инкапие; Зубименди, Райс, Хаверц; Сака, Трассард, Гёкерес.
Манчестер Ситийн гарааны бүрэлдэхүүн: Траффорд; Нуньес, Хусанов, Аке, О’Рейли; Черки, Родри, Бернардо, Доку; Семеньо, Хааланд.
