Энэ долоо хоногийн Billboard World Albums чарт Солонгосын алдартай хамтлаг, дуучдын амжилтаар бялхаж, K-pop давалгаа дэлхийн зах зээлд хэр хүчтэй байгааг дахин батлан харууллаа.
Ялангуяа ENHYPEN хамтлаг энэ удаагийн чартыг өнгөлж байна. Тэдний THE SIN : VANISH мини цомог худалдаанд гарсан цагаасаа хойш найм дахь долоо хоногтоо чартын нэгдүгээр байрт эргэн ирлээ. Үүнээс гадна тус хамтлагийн ROMANCE : UNTOLD цомог 87 дахь долоо хоногтоо 12 дугаарт, DESIRE : UNLEASH мини цомог нь 38 дахь долоо хоногтоо 24 дүгээр байрт тус тус бичигдэж, чартад зэрэг гурван бүтээлээ багтаасан өндөр амжилтыг үзүүлэв.
Чартын удаах байруудад ATEEZ хамтлагийн GOLDEN HOUR : Part.4 цомог хоёрдугаарт, IVE хамтлагийн REVIVE+ цомог гуравдугаар байранд жагсаж, эхний гурван байрыг K-pop уран бүтээлчид бүрэн эзэллээ.
Stray Kids хамтлагийн хувьд DO IT, KARMA, ATE, 5-STAR болон HOP зэрэг нийт таван өөр бүтээл нь чартын эхний 20 байрт багтсан нь тэдний хөгжмийн борлуулалт тогтмол өндөр байгааг илтгэж байна.
Домогт BTS хамтлаг болон түүний гишүүд чартаас буухгүй хэвээр байна. Тэдний Proof цомог 196 дахь долоо хоногтоо зургаадугаар байрт, Map of the Soul: 7 ~The Journey~ цомог есдүгээр байрт тус тус жагсжээ. Мөн хамтлагийн гишүүн Jimin-ийн бие даасан MUSE цомог 86 дахь долоо хоногтоо 22 дугаарт, ILLIT хамтлагийн bomb цомог 25 дугаар байрт бичигдэж, шинэ болон хуучин үеийн уран бүтээлчид Billboard-ийн жагсаалтад эн тэнцүү өрсөлдсөөр байна.
