К-поп ертөнцийн супер од BLACKPINK хамтлаг АНУ-ын хөгжмийн зах зээлд байр сууриа улам батгайжуулсаар байна. Тэдний шинээр гаргасан “GO” сингл дуу Billboard-ийн нэр хүндтэй “Pop Airplay” чартад албан ёсоор нэвтэрлээ.
Гуравдугаар сарын 21-нд дуусгавар болсон долоо хоногийн тайлангаар “GO” бүтээл нь тус чартын 37 дугаар байранд жагссан байна. Billboard-ийн “Pop Airplay” нь АНУ-ын хэмжээнд шилдэг 40 поп радио станцаар хамгийн их тоглогдсон дуунуудыг эрэмбэлдэг бөгөөд “GO” нь тус хамтлагийн энэхүү чартад багтсан дөрөв дэх бүтээл болж бүртгэгдлээ.
Зөвхөн радио гэлтгүй борлуулалт болон стриминг үзүүлэлтээрээ ч BLACKPINK тэргүүлж байна. Тухайлбал, “Global Excl. U.S.” чартад 53 дугаар байр, “Global 200” чартад 62 дугаар байранд тус тус тогтвортой бичигдэж байгаа юм. Түүнчлэн тэдний шинээр гаргасан “DEADLINE” цомог Billboard 200 чартын 41 дүгээрт, “Top Album Sales” буюу цомгийн борлуулалтын чартад шилдэг зургадугаар байранд жагсаж, Хойд Америк дахь борлуулалтаараа цахиур хагалж байна.
Энэхүү амжилтуудын үр дүнд BLACKPINK хамтлаг Billboard-ийн “Artist 100” чартын 50 дугаар байранд бичигдэж, нийт 35 долоо хоногийг тус чартад амжилттай өнгөрүүлээд байна. Дэлхийн хөгжмийн ертөнцөд өөрсдийн нөлөөгөө тамгалсаар буй BLACKPINK хамтлагтаа халуун баяр хүргэе.
