Netflix-ийн энэ оны хамгийн их үзэгчтэй бүтээлүүдийн нэг болох “War Machine” киноны гол дүрийн жүжигчин Алан Ричсонтой холбоотой таагүй мэдээлэл олны анхаарлыг татаж байна. TMZ сайтын мэдээлснээр, Ричсон хөрштэйгөө маргалдах явцдаа бие махбодийн хүчирхийлэл үйлдсэн бөгөөд хүүхдүүдийнх нь нүдэн дээр хөршөө дөрвөн удаа алгадаж, цохисон хэрэгт буруутгагджээ.
Энэхүү дуулиан дэгдэхээс хэдхэн хоногийн өмнө түүний гэргий Кэт өөрийн сошиал хуудаснаа амьдралын ээдрээ болон далайн давалгааны тухай гүн утгатай нийтлэл оруулсан байна. Тэрээр амьдрал хэтэрхий том санагдаж, бүх зүйлийг хэрхэн зохицуулахаа мэдэхгүй үед далайн эрэг дээр зогсоод, бүхнийг ойлгох гэж хичээх нь утгагүй хэрэг болохыг ухаарсан тухайгаа бичжээ.
Алан Ричсон гэргийнхээ нийтлэлд хариу өгөхдөө “Би бүгдийг ойлгочихлоо. Үүний тулд л чи намайг авсан шүү дээ. Чамд бүхнийг эхнээс нь тайлбарлаж өгье” хэмээн хошиноор бичсэн ч өгүүлбэрээ дуусгалгүй орхисон байна. Түүний энэхүү хариулт нь гэр бүлийнхээ өмнө хариуцлага хүлээхэд бэлэн байгааг нь харуулсан ч удалгүй хөрштэйгөө холбоотой таагүй хэрэгт нэр холбогдсон нь үзэгчдийн гайхшралыг төрүүллээ.
Одоогоор Алан Ричсон болон түүний гэргий Кэт нар хөршийнх нь гаргасан гомдол болон TMZ сайтаар тархсан мэдээллийн талаар албан ёсны тайлбар хийгээгүй байна.
