График картын зах зээлд тэргүүлэгч Nvidia компани өөрийн Deep Learning Super Sampling буюу DLSS технологийн 4.5 хувилбарыг албан ёсоор танилцууллаа. Энэхүү шинэчлэлт нь GeForce RTX график карт эзэмшигчдэд зориулсан хиймэл оюун ухаанд суурилсан дүрслэл болон гүйцэтгэлийг шинэ түвшинд гаргаж байна. Одоогоор Nvidia аппликейшний бета хувилбарт багтсан уг технологи нь 20 гаруй тоглоомын дүрсийн чанар болон хурдыг мэдэгдэхүйц сайжруулах боломжтой болжээ.
DLSS 4.5-ийн хамгийн гол онцлог нь шинээр гарч буй RTX 50 цувралын график картуудад зориулсан 6x Multi Frame Generation горим юм. Энэхүү шинэлэг технологи нь хоёр дахь үеийн трансформер хиймэл оюун ухааны загварыг ашиглан бодит хугацаанд дүрслэгдсэн нэг кадрын араас таван нэмэлт кадрыг хиймлээр үүсгэдэг байна.
[Image showing the performance comparison between DLSS 4.0 and DLSS 4.5 on RTX 50 series]
Nvidia-ийн мэдээлснээр, секундэд үүсгэх кадын тоо ийнхүү зургаа дахин нэмэгдэж байгаа ч тоглоомын хариу үйлдэл үзүүлэх хугацаа буюу latency-д үзүүлэх сөрөг нөлөө маш бага байх аж. Энэ нь өндөр чанартай дүрслэл шаардсан орчин үеийн тоглоомуудыг илүү жигд, хурдтай тоглох боломжийг олгож байгаа бөгөөд тоглоом сонирхогчдын хувьд график картын хүчин чадлыг дээд зэргээр ашиглах томоохон шинэчлэл болж байна.
Дэлгэрэнгүйг эх сурвалжаас харах
