Английн “Ливерпүүл” клуб бүрэлдэхүүнээ хүчирхэгжүүлэх зорилгоор Германы “Байер Леверкүүзен” багийн довтлох чиглэлийн хагас хамгаалагч Малик Тиллманыг ирэх зун элсүүлэхээр төлөвлөж байна. “Sports Boom” агентлагийн мэдээлснээр, “Улаан төрүүд” өдгөө 23 настай тоглогчийг өндрөөр үнэлж байгаа бөгөөд түүний төлөө 60 сая фунт стерлингийн албан ёсны санал хүргүүлэхэд бэлэн байгаа аж.
Малик Тиллман карьераа “Гройтер Фюрт” клубээс эхлүүлж, улмаар 2025 онд “Бавария Мюнхен” багт шилжин ирж байсан туршлагатай. Гэвч тэрээр Мюнхен хотын багийн үндсэн бүрэлдэхүүнд ердөө 175 минут талбайд гарсныхаа дараа Шотландын лигт тоглож, ур чадвараа ахиулсан юм. Одоо тэрээр “Байер Леверкүүзен” багийн довтолгооны гол цөм болон тоглож байгаа бөгөөд түүний хурд, техник нь “Ливерпүүл”-ийн тоглолтын хэв маягт яв цав нийцнэ гэж шинжээчид үзэж байна.
