Испанийн хэвлэлүүдийн мэдээлж буйгаар “Улаанууд” 19 настай залуу довтлогчтой хувийн нөхцөлөө аль хэдийн тохиролцсон бөгөөд түүнийг Мохаммед Салахын халааг авах гол тоглогчоор нэрлэжээ.
Өнгөрсөн зун Испанийн “Леганес” багт гялалзаж байхдаа Германы багт ирсэн Яан Диомандэ энэ улиралд Бундеслигт гайхалтай тоглолтыг үзүүлж байна. Тэрээр одоогийн байдлаар бүх тэмцээнд 30 тоглолтод оролцохдоо 11 гоол оруулж, 7 оновчтой дамжуулалт өгөөд байгаа юм.
Кот-д’Ивуар гаралтай залуу тоглогчийн төлөө “Манчестер Юнайтед”, “Бавари Мюнхен”, “Реал Мадрид” зэрэг Европын топ багууд өрсөлдөж байгаа ч Ливерпүүл трансферын зах зээл дээр хамгийн идэвхтэй ажиллаж, давуу тал олж аваад байна. Хэдийгээр “Лайпциг” түүнийг 2027 он хүртэл багтаа үлдээх сонирхолтой байгаа ч 100 сая еврогоос дээш үнийн санал ирвэл ярилцахад бэлэн гэдгээ илэрхийлжээ.
Яан Диомандэ нь талбайн аль ч жигүүрт болон төвд тоглох чадвартай, хурд хүч болон хувийн техник сайтай тоглогч тул дасгалжуулагч Арне Слотын ирэх улирлын тактикт чухал үүрэг гүйцэтгэхээр хүлээгдэж байна.
