ОХУ-ын Владимир мужид Украйны нисгэгчгүй нисэх төхөөрөмжийн (дрон) дайралт болж, нэг гэр бүлийн гурван гишүүн буюу эцэг эх, хүүгийнхээ хамт амиа алдсан харамсалтай хэрэг гарсан талаар тус мужийн захирагч албан ёсоор мэдээллээ.
ОХУ-ын Батлан хамгаалах яамны мэдээлснээр, даваа гарагийн шөнөөс мягмар гарагийн өглөө хүртэлх хугацаанд Владимир мужийн агаарын орон зайд Украины гурван дроныг устгасан байна. Тухайн шөнө Оросын нутаг дэвсгэр даяар нийт 45 дроныг агаарын довтолгооноос хамгаалах системээр устгаснаас ихэнх нь Ленинград мужийн орчимд байжээ. Сүүлийн долоо хоногуудад Украины зүгээс Ленинград мужийн газрын тосны экспортын дэд бүтцийг тогтмол онилж байгаа бөгөөд энэ нь ОХУ-ын эрчим хүчний орлогыг тасалдуулах стратегитай холбоотой гэж шинжээчид үзэж байна.
Мөн өмнөд хэсгийн Воронеж мужид дроны халдлагын улмаас агуулахад гал гарч, нэг хүн түлэгдэж эмнэлэгт хүргэгджээ. Агаарын дайралтын аюулаас сэргийлж ОХУ-ын хэд хэдэн бүс нутгийн нисэх онгоцны буудлуудад нислэг үйлдэхийг түр хугацаагаар хориглох арга хэмжээ авсан байна.
