Rivian компани дунд ангиллын цахилгаан SUV зах зээлд хүч үзэхээр бэлтгэж буй R2 загварынхаа техникийн үзүүлэлтүүдийг АНУ-ын Байгаль орчныг хамгаалах агентлагаар (EPA) албан ёсоор баталгаажуулжээ.
Явалтын зай ба үр ашиг Шинэхэн R2 загвар нь нэг цэнэглэлтээр 539 км (335 миль) зам туулах чадвартай болох нь тогтоогдсон бөгөөд энэ нь компанийн өмнө нь таамаглаж байсан 531 км-ээс бага зэрэг давсан үзүүлэлт юм. Энэхүү үзүүлэлт нь гол өрсөлдөгч болох Tesla Model Y Performance загварын явалтын зайнаас ойролцоогоор 48 км-ээр илүү байгаа нь зах зээлд хүчтэй өрсөлдөгч болохыг харуулж байна.
Дугуй болон батерейны үзүүлэлт
- Performance (21 инч): 21 инчийн бүх улирлын дугуйтай загвар нь хамгийн өндөр буюу 539 км туулна.
- Performance (20 инч): Харин 20 инчийн бартаат замын (All-Terrain) дугуйтай хувилбарын хувьд дугуйны эсэргүүцэл их тул явалтын зай нь 505 км болж буурчээ.
- Батерей: R2 загвар нь 86.8 кВт.ц (ашиглах боломжтой) багтаамжтай батерейгаар тоноглогдсон байна.
Үнэ ба худалдаанд гарах хугацаа Rivian компани R2 загварыг 2026 оны эхний хагаст багтаан худалдаанд гаргахаар төлөвлөж байгаа бөгөөд загварын сонголтууд дараах үнэтэй байна:
- R2 Performance (Launch Edition): $57,990 (2026 оны хавар)
- R2 Premium: $53,990 (2026 оны сүүл эсвэл 2027 оны эх)
- R2 Standard: $45,000-аас эхлэх (2027 оны сүүл)
Тус автомашин нь Tesla-гийн NACS цэнэглэгч оролттой гарах тул Supercharger сүлжээг шууд ашиглах боломжтой бөгөөд ердөө 15 минутад 240 км явах цэнэг хуримтлуулах чадвартай хурдан цэнэглэгчийг дэмжих юм.
