“Боруссиа Дортмунд” клубын удирдлагын зөвлөлийн дарга Ларс Рикен багийнхаа солилцоо наймааны төлөвлөгөөний талаар мэдээлэл өглөө. Тэрээр Жейдон Санчог дахин багтаа авчрах боломжийг судалж байгааг баталсан ч “Ньюкасл Юнайтед”-ын довтлогч Ник Волтемадетай холбоотой цуурхлыг эрс няцаасан байна. Манчестер Юнайтед клубтэй байгуулсан гэрээ нь энэ зургаадугаар сард дуусгавар болох 26 настай Жейдон Санчо чөлөөт тоглогч болоход ойрхон байгаа бөгөөд тэрээр өнгөрсөн хугацаанд “Челси” болон “Астон Вилла” багуудад зээлээр тоглосон юм.
“Астон Вилла”-гийн бүрэлдэхүүнд энэ улиралд нийт 31 тоглолтод оролцож, нэг гоол, гурван гоолын дамжуулалт өгөөд буй түүнийг Ларс Рикен “Бид олон тоглогчийг судалж байна, Жейдон дээр ч мөн адил судалгаа хийж байна. Бидэнд чанартай, шууд тусалж чадах, санхүүгийн хувьд боломжийн довтлогч хэрэгтэй” хэмээн онцолжээ.
Германы Bild сонинд “Дортмунд” клуб “Ньюкасл”-ын Ник Волтемадег Серху Гирассигийн оронд зээлээр авахаар сонирхож байна гэсэн мэдээлэл гарсан ч Рикен үүнийг “бүрэн утгагүй худал мэдээлэл” гэж тодорхойлоод, багийн гол довтлогч Серху Гирассиг ирэх зун багтаа үлдэхийг хүсэж байгаагаа илэрхийлсэн юм.
Харин Ник Волтемадегийн хувьд өөрийнх нь гоол оруулах үзүүлэлт буурсан талаарх шүүмжлэлд хариу өгөхдөө, тэрээр одоо талбай дээр өөр үүрэг гүйцэтгэж буй “8” болон “10” дугаарын байрлалд тоглож байгааг тайлбарлажээ. “Дортмунд” клубын хувьд довтолгооноос гадна хамгаалалтын шугамандаа шинэчлэл хийхээр төлөвлөж байгаа бөгөөд Никлас Зуле багийг орхиж, Эмре Жан бэртэлтэй байгаа зэрэг нь хамгаалагч хайх гол шалтгаан болж байна.
