“Euphoria” цувралын гуравдугаар бүлгийн нээлтэд зочин жүжигчнээр оролцсон алдарт жүжигчин Наташа Лионни Лос-Анжелесаас Нью-Йорк руу хөөрөх гэж байсан Delta компанийн онгоцноос буулгагдсан таагүй явдал боллоо. 2026 оны 4-р сарын 7-ны мягмар гарагт болсон энэхүү үйл явдлын улмаас нислэг нэг цаг гаруй саатсан байна.
Гэрчүүдийн мэдээлснээр, нээлтийн ёслолын дараа онгоцонд суусан Лионни нэлээд “орон гаран” байдалтай байсан бөгөөд онгоц хөөрөхөд бэлтгэж байх үед зөөврийн компьютераа хаах, суудлын бүсээ зүүх зэрэг үйлчлэгчдийн удаа дараагийн шаардлагыг биелүүлээгүй байна. Тэрээр нүдний шилнийхээ цаагуур унтаж байх шиг харагдсан бөгөөд онгоцны багийнхан түүнийг эрүүл мэндийн тусламж шаардлагатай эсэхийг нь асуухад “Бид хаана байна?” хэмээн хариу асууж байжээ.
Онгоцны ахмад бусад зорчигчдод хандан “Зарим үндсэн командыг биелүүлээгүй, нислэгийн үүрэг даалгаврыг биелүүлэх чадваргүй зорчигч байсан тул түүнийг өөр онгоцоор явуулахаар шийдлээ” хэмээн тайлбарласан байна. Лионни онгоцноос буухдаа онгоцны буудлын ажилтныг “чимээгүй” (shushed) байхыг сануулж, бие засах газар орсныхоо дараа печень (pretzels) идсээр онгоцноос буусан гэж эх сурвалжууд мэдээлэв.
Энэхүү явдлын улмаас Наташа Лионни Нью-Йорк дахь “The Drew Barrymore Show” нэвтрүүлэгт оролцож амжаагүй бөгөөд үүндээ харамсаж байгаагаа X хуудсандаа илэрхийлжээ. Тэрээр “Өчигдөр Дрю Берримортой үнэн сэтгэлээсээ ярилцахыг тэсэн ядан хүлээж байсан ч болоогүй бололтой” хэмээн бичээд, онгоцны буудлын TSA ажилтнуудад хайр зарлаж, энэ явдлыг анх мэдээлсэн Page Six агентлагийг хэн эзэмшдэг болохыг асууж амжсан байна.
Наташа Лионни сүүлийн үед өөрийн донтолтын асуудлын талаар ил тод ярих болсон бөгөөд өнгөрсөн 3-р сард биеийн байдал нь сайжирч байгаа талаар шүтэн бишрэгчиддээ мэдээлж байсан юм. Хэдийгээр нислэгийн явцад ийм асуудал үүссэн ч тэрээр дараагийн өдөр нь Нью-Йорк дахь “Lorne” киноны нээлтэд оролцож, улаан хивсний ёслол дээр харагдсан байна.
