Украйны дотоодод үйлдвэрлэсэн “Koral” нэртэй шинэ агаарын довтолгооноос хамгаалах пуужин анх удаа олон нийтэд танилцуулагдлаа. Энэхүү пуужин нь Украины агаарын довтолгооноос хамгаалах хүчин чадлыг нэмэгдүүлэх, улмаар өөрийн гэсэн дотоодын системээ хөгжүүлэх томоохон бодлогын нэг хэсэг юм.
Украйны Ерөнхийлөгч Володимир Зеленскийн оролцсон зэр зэвсгийн үзэсгэлэнгийн үеэр “Koral” пуужингийн загвар харагдсан байна. Тус үзэсгэлэнд мөн “Neptune” далайн суурьтай далавчит пуужин, “Areion” пуужин-дроны хослол, “Vilkha” удирдлагат их бууны пуужин зэрэг бусад шинэ зэвсэглэлүүдийг дэлгэжээ.
“Koral” пуужингийн үзүүлэлт болон ач холбогдол:
- Тусгал: Анх 30-50 км-ийн тусгалтай байхаар төлөвлөгдсөн ч хөгжүүлэлтийн явцад 100 км хүртэл нэмэгдүүлсэн.
- Ангилал: Дунд болон алсын тусгалтай агаарын довтолгооноос хамгаалах системд багтах боломжтой.
- Үүрэг: Оросын довтолгооноос улсынхаа агаарын орон зайг хамгаалахад чухал үүрэг гүйцэтгэнэ.
Украйныг дотоодын агаарын довтолгооноос хамгаалах системийг хөгжүүлэхэд Баруун Европын орнууд, тэр дундаа Испани улс хамтран ажиллаж байгаа бөгөөд энэ нь “Koral” пуужингийн хөгжүүлэлтийг түргэтгэхэд гол нөлөө үзүүлж байна.
