Өчигдөр болсон УЕФА Аваргуудын лигийн шөвгийн наймын хариу тоглолтод “Бавари Мюнхен” клуб “Реал Мадрид”-ыг буулган авч, тэмцээний хагас шигшээд шалгарлаа. Үндсэн цагт 4:3, хоёр тоглолтын нийлбэр дүнгээр 6:4-ийн харьцаатайгаар “Бавари” илүүрхсэн бөгөөд тоглолтын сүүлчийн мөчид Эдуардо Камавинга улаан хуудас авсан нь шийдвэрлэх нөлөө үзүүлсэн гэж мэргэжилтнүүд үзэж байна.
Тоглолтын төгсгөлд Луис Диас гоолдон багтаа тэргүүлэл авчирсан бол Майкл Олисе гайхалтай гоол оруулж тоглолтын эцсийн цэгийг тавьсан юм. Тус тоглолтод Харри Кейн энэ улирлын 50 дахь гоолоо бүртгүүлсэн бөгөөд тэрээр энэхүү тулааныг өөрийн карьер дахь хамгийн ширүүн тоглолтуудын нэг хэмээн тодорхойлжээ. “Реал Мадрид”-ын зүгээс Камавингагийн улаан хуудсыг маргаантай шийдвэр хэмээн шүүмжилж байгаа ч “Бавари” ийнхүү хагас шигшээд ПСЖ клубтэй учраа таарлаа.
Кейн ирэх өрсөлдөгчөө Европын шилдэг багуудын нэг хэмээн хүлээн зөвшөөрч, ялалтын төлөө бүх хүчээ дайчлан тоглохоо илэрхийлсэн байна.
