АНУ-ын Ерөнхийлөгч Доналд Трамп өөрийгөө Есүс Христтэй адилтгасан, өвчтэй хүмүүсийг эдгээж буй мэт дүрсэлсэн хиймэл оюун ухаанаар (AI) бүтээсэн зургийг цацсан нь улс төрийн хүрээнд болон шашны бүлгүүдийн дунд томоохон маргаан дэгдээв. Тус зургийг АНУ-ын Холбооны орон сууцны санхүүгийн агентлагийн захирал Билл Пултегийн зөвлөснөөр нийтэлсэн гэх мэдээлэл байгаа бөгөөд Трампын нэгэн зөвлөх “Хүн бүр үүнийг анхандаа тоглоом гэж бодсон” хэмээн онцолжээ.
Трамп уг зургийг нийтэлснийхээ дараа “буруу ойлгогдсон” хэмээн тайлбарлаж устгасан ч, удалгүй өөрийг нь тэнгэрлэг нэгэн тэвэрч буй мэт дүрсэлсэн өөр нэг зургийг дахин цацсан байна. Энэхүү үйлдэл нь АНУ-ын засаг захиргаан дахь Католик шашинтнууд болон Ватиканы хооронд хурцадмал байдал үүсэхэд хүргэжээ. Зургийг санал болгосон гэгдэх Билл Пултегийн хувьд өмнө нь Холбооны нөөцийн сангийн мөрдөн байцаалт болон гэр бүлийн бизнесийн маргаан, гүтгэлгийн хэрэгт холбогдож байсан нэгэн юм. Түүний Трампад үзүүлж буй нөлөөг шинжээчид “замбараагүй байдлыг өдөөгч” хэмээн тодорхойлж байна.
