Америкийн алдартай дуучин D4vd буюу Дэвид Бёркийг Лос Анжелес хотод 14 настай охины амь насыг хөнөөсөн хэрэгт сэжиглэн баривчилсан байна. Өдгөө 21 настай дуучин батлан даалтад гарах эрхгүйгээр хоригдож байгаа бөгөөд цагдаагийн байгууллагаас хэргийг прокурорын газарт шилжүүлэн, яллах дүгнэлт үйлдүүлэхээр ажиллаж байна.
Хэргийн мөрдөн байцаалтын явцад хохирогч охины цогцсыг Холливудын толгод орчимд орхигдсон байсан, дуучны нэр дээрх Тесла загварын автомашин дотроос олсон болохыг тогтоожээ. Өнгөрсөн оны есдүгээр сарын 8-нд илэрсэн уг хэргийг Лос Анжелес мужийн тангарагтны шүүх шалгаж байсан бөгөөд дуучны гэр бүлийнхэн Техасын шүүхэд мэдүүлэг өгөхөөс татгалзаж байсан нь энэ сарын 25-нд олон нийтэд ил болсон юм. Хохирогч охин нас барах үедээ 13 настай байсан бөгөөд цогцсыг илрүүлэх үед бие нь хэсэгчлэн хуваагдсан байдалтай байсан нь хэргийг онц ноцтой түвшинд шалгах үндэслэл болоод байна.
