ОХУ-ын Белгород мужийн Ясные Зори тосгонд Украйны нисгэгчгүй онгоц мотоцикл руу довтолсны улмаас жолооч нь газар дээрээ амиа алдсан тухай орон нутгийн эрх баригчид мэдээллээ. Тус тосгон нь Украйны хилийн зурвасаас ердөө 10 орчим километрийн зайд оршдог бөгөөд ОХУ-ын Батлан хамгаалах яамны мэдээлснээр, тус улсын агаарын довтолгооноос хамгаалах хүчнүүд шөнийн турш Белгород муж орчимд Украины 62 нисгэгчгүй онгоцыг устгасан байна.
Хил орчмын бүс нутагт нөхцөл байдал хүнд байгаатай холбогдуулан эрх баригчдын зүгээс иргэдийг цэргийн хэв маягтай хувцас өмсөх, цэргийн тэмдэглэгээ бүхий тээврийн хэрэгсэл ашиглахгүй байхыг анхааруулж байгаа бөгөөд энэ нь нисгэгчгүй онгоцны бай болохоос сэргийлэх зорилготой ажээ. Албан ёсны статистик мэдээллээр Белгород мужид 2025 онд 147 энгийн иргэн амь үрэгдсэн бол дайн эхэлснээс хойш тус бүс нутагт амь насаа алдсан иргэдийн нийт тоо 429-д хүрээд байна. Хоёр улсын хооронд үргэлжилж буй нисгэгчгүй онгоц болон пуужингийн харилцан цохилтыг Киевийн тал Оросын түрэмгийллийн эсрэг авч буй хариу арга хэмжээ хэмээн тайлбарлаж байгаа юм.
