Google тус компанийн хиймэл оюун ухаанд суурилсан Gemini апп-ийн iPadOS хувилбарыг танилцууллаа. Өмнө нь хэрэглэгчид зөвхөн iPhone-д зориулсан iOS хувилбарыг нийцлийн горимд iPad дээр ажиллуулж болдог байсан бол одоо тусгайлан iPad-д зориулсан хувилбартай болжээ.
Google-ийн төлөөлөгч Элайжа Лавал энэ талаар The Verge сайтад и-мэйлээр илгээсэн мэдэгдэлдээ:
“Шинэ хувилбараар та iPad-ийн Split View функцийг ашиглан Gemini-г бусад аппуудын хажууд зэрэгцүүлэн ажиллуулж, олон үүрэг зэрэг гүйцэтгэх боломжтой боллоо” гэж онцолжээ.
Мөн энэхүү шинэ апп дараах дэвшилтэт боломжуудыг дэмжиж байна:
-
Gemini Live: 45 гаруй хэл дээр чөлөөт, уян хатан харилцан яриа өрнүүлэх боломж
-
Deep Research: Тайлан, мэдээлэл хурдан үүсгэж, цаг хэмнэх
-
Audio Overview: Аудио файлуудыг ойлгомжтойгоор боловсруулах, ойлгох
-
Canvas: Хиймэл оюун ухаантай хамтран бичвэр, код үүсгэж, хамтран засварлах
-
Image and video generation: Шууд iPad дээрээс зураг, видео үүсгэх
Gemini-ийн энэ шинэ хувилбар нь тус апп дэмжигдэж буй бүх оронд өнөөдрөөс эхлэн App Store-оор дамжуулан татаж авах боломжтой болжээ.
Мөн Google-ийн мэдээлснээр, Audio Overview функц одоо 45 гаруй хэл дээр дэмжигдэж эхэлсэн ба эхэндээ зөвхөн англи хэлээр, Gemini болон Gemini Advanced хэрэглэгчдэд нээлттэй байсан бол одоо олон улсад өргөжжээ.
Түүнчлэн Gemini-г iPad-ийн гэрийн дэлгэц дээр виджет хэлбэрээр байрлуулах, Google Photos-той холбох боломж нэмэгдсэн байна.
Gemini-ийн анхны iOS хувилбар өнгөрсөн арваннэгдүгээр сард гарсан ч тусгай iPad хувилбар хожим ирсэн нь хэрэглэгчдийн хувьд “аль ч үедээ хамгийн зөв үе бол одоо” гэдэг үгийг баталж буй хэрэг болов уу. Ямартай ч, Google үүнд хамгийн сүүлд хариу өгсөн компани биш юм.
theverge.com
