Антони Эдвардс Голден Стэйт Уорриорстой хийсэн анхны плейофф тоглолтод тун тааруу тоглолт үзүүлж, Миннесота Тимбервулвс баг эхний тоглолтод 99-88 харьцаагаар ялагдал хүлээлээ. Тэд талбайн давуу талтай байсан ч шидэлтийн үр дүн маш муу байж, эхний хагаст гэмтлээр талбайг орхисон Стеф Карригийн алсыг ашиглаж чадсангүй. Тоглолтын төгсгөлд эргэн ирэх оролдлого хийсэн ч хэт оройтсон байв.
Тоглолтын дараа Inside The NBA нэвтрүүлгийн үеэр Чарльз Баркли Эдвардсын тоглолтын талаар байр сууриа илэрхийлж, од тоглогчийн хувьд үүрэх хариуцлагын талаар хатуу бөгөөд шууд үг хэлэв.
Эдвардс эхний хагаст ердөө 1 оноо авч, талбайгаас 8 шидэлт хийгээд нэгийг ч амжилттай болгож чадаагүй юм. Баг нийтдээ эхний хагаст 31 оноо авсан нь тэдний энэ улирлын хамгийн муу үзүүлэлт байв.
Баркли дасгалжуулагч Крис Финчийн хэвлэлийн бага хурлын үеэр Эдвардсын тааруу тоглолтыг шууд шүүмжилсэнд талархаж байгаагаа илэрхийлээд, Эдвардст дараах үгсийг зориулжээ:
“Чи бол од тоглогч. Чи өөрөө энэ бүх шуугианыг дуудаж ирсэн — ‘Би Уорриорсийг хүсэж байна!’ гэж хэлсэн. Тэгээд юу болов? Эхний хагаст ганцхан оноо авсан.
Хэрвээ чи манлайлагч юм бол, бүх магтаал чамд оногдоно, гэхдээ бүх бурууг ч бас чи үүрнэ. Энэ бол тоглолтын дүрэм.”
“You said you wanted the smoke… and you had 1 point at half-time” ️
Chuck had thoughts about Ant’s performance in Game 1. pic.twitter.com/fNgsjYrfUr
— NBA on TNT (@NBAonTNT) May 7, 2025
“Smoke”-ийг хүссэн Эдвардсын хэлсэн үг бодит сорилт болж ирэв
Антони Эдвардсийн “smoke-ийг хүсэж байна” хэмээсэн үг нь 2023 оны нэгэн бичлэгээс үүдэлтэй. Тухайн үед тэрээр улирлын дараах шатанд Голден Стэйт Уорриорстой тоглохыг хүсэж буйгаа илэрхийлж, энэ тулаан (тоглолт) хоёр багийн зан чанар, тэмүүллээс шалтгаалж сонирхолтой өрнөнө гэж мэдэгдэж байсан.
Харин өнгөрсөн шөнө тэр “зан чанар”-аас ганцхан тал л тодорч харагдсан. Миннесота Тимбервулвс баг эхний шатанд Лэйкерсийг буулган авч байсан сүр хүчээ гээж, сүүдэр мэт тоглолт үзүүлэв. Тэд торгуулийн шугамнаас ч, холын шидэлтээс ч дутмаг байж, хоосон үлдсэн довтолгоонуудыг ч ашиглаж чадсангүй. Статистик талаас харвал, баг нийтдээ ердөө 5 гурван онооны шидэлт амжилттай болгосон бол Уорриорс 18-ыг хийжээ.
Хоёрдугаар тоглолтод нөхцөл байдлыг өөрчлөх шаардлага Вулвс багт илэрхий харагдаж байгаа ч боломж бүрэн бий. Учир нь Уорриорсын дасгалжуулагч Стив Керр мэдэгдэхдээ, хоёр дахь тоглолтод Стеф Карри оролцохгүй байж магадгүй гэдгийг хэлсэн. Хэрэв үнэхээр Карри тоглохгүй бол, Миннесота баг Серийг тэнцүүлэх боломжийг бүрэн ашиглах ёстой, ялангуяа Окленд руу зочлохын өмнө.
