Эрдэмтэд энэ амттан хүний биед эерэг нөлөө үзүүлдэг эсэхийг баталгаажуулахын тулд хэдэн жилийн турш хүмүүсийн эрүүл мэндийн мэдээллийг цуглуулсан байна. АНУ-ын 20-иос дээш насны 13,626 оршин суугчийн судалгааны асуулгыг мэргэжилтнүүд шинжилжээ.
Үр дүнд нь хар шоколад тогтмол хэрэглэдэг хүмүүсийн 70% нь сэтгэл гутралын шинж тэмдгүүдэд өртөх магадлал бага байгааг тогтоожээ. Түүнчлэн шоколадны зүсэм харах, үнэрлэх төдийд л сэтгэл санааг дээшлүүлэхэд хангалттай байв. Харин сүүн болон цагаан шоколад ийм үр дүн үзүүлээгүй байна.
Эрдэмтэд энэ үзэгдлийг яагаад ийм байгааг судалсаар байна. Нэгэн таамаглалаар шоколад эхлээд хүний мэдрэхүйн (харах, амтлах, үнэрлэх) эрхтнүүдэд эерэгээр нөлөөлдөг бөгөөд найрлага нь хоёрдугаарт ордог гэжээ.
Хэдийгээр шоколад хийхэд ашигладаг какаоны үр олон ашигтай бодис агуулдаг ч тийм хүчтэй нөлөө үзүүлэх чадваргүй байх тохиолдол бий. Эпикатехин болон катехин зэрэг бодисууд судсыг хамгаалж, зүрхэнд эерэг нөлөө үзүүлдэг ч бүх хар шоколаданд эдгээр микроэлемент хангалттай хэмжээгээр агуулагддаггүй.
Тирозин болон триптофан нь аз жаргалын дааврууд болох серотонин, допамины ялгаралтыг өдөөж чаддаг. Гэхдээ эдгээр бодис ходоодоор дамжин тархинд нөлөөлөх чадвар нь бүрэн батлагдаагүй байгаа.
Эрдэмтэд одоогоор яг ямар шалтгаантайг тогтоогоогүй байгаа ч бодит байдал бол хар шоколад үнэхээр ашиг тустай гэдэг нь үнэн юм. Харин чи хар шоколадыг хэр олон удаа иддэг вэ?
