Стеф Карригийн гайхамшигт замнал
Стеф Карригийн сагсан бөмбөгийн карьер нь үлгэрийн мэт гайхамшигтай. Дэвидсон их сургуульд гайхалтай амжилт гаргасан ч, NBA-ийн драфтын өмнөх үнэлгээ нь төдийлөн өндөр байгаагүй. Гэсэн ч тэрээр домогт тоглогчдын Хүндэтгэлийн танхимд зүй ёсоор бичигдэх замналаа эхлүүлж, одоо ганцхан аваргын цомыг нэмэхэд л бүх цаг үеийн шилдэг тоглогчдын (GOAT) нэгээр нэрлэгдэхэд хангалттай болоод байна.
Харин түүний эхнэр Айеша Карри нөхрийнх нь өнөөгийн амжилт түүний анхны хүлээлттэй огтхон ч таардаггүй байсныг ‘Call Her Daddy’ подкастын үеэр хуваалцжээ. Айешагийн хэлснээр, тэд ахлах сургуульд танилцаж, тэр үедээ л Стефэд сэтгэлтэй байсан ч түүнийг ирээдүйд NBA-ийн од болно гэж төсөөлөөгүй аж. Урлагт дуртай гэр бүлд өссөн тэрээр нөхрийнхөө сагсан бөмбөгт үзүүлсэн амжилтад анхнаасаа төдийлөн ач холбогдол өгдөггүй байсан тухайгаа ярьсан байна.
Стеф Карри 2015 онд анхны MVP шагналаа хүртсэн нь тэдний амьдралд томоохон өөрчлөлт авчирсан. Айешагийн хэлснээр, алдар нэр тодорхой боломжуудыг нээж өгсөн ч, олны анхаарлын төвд байх нь түүний хувьд эхэндээ тийм ч таатай зүйл байгаагүй гэнэ.
Өөрийн замналыг эргэн дурсахдаа Стеф залуудаа ахлах сургуулийн сагсан бөмбөгийн дасгалжуулагч болохыг мөрөөддөг байсан тухайгаа дурсжээ. Түүний аав Делл Карри нь NBA-ийн Хорнетс багийн тоглогч байсан тул Стеф мэргэжлийн сагсан бөмбөгийн замналыг сонирхох болсон. Грэхэм Бэнсингертэй хийсэн ярилцлагад тэрээр “би багийн хамгийн жижиг тоглогч байсан болохоор өөртөө итгэх итгэл бага байлаа” гэжээ.
Гэсэн ч ахлах сургуулийнхаа төгсөх жилд Стеф өндөр нуруутай болж, өөртөө итгэх итгэл, бардамнал нь нэмэгдэж, түүний тоглолтод шууд нөлөө үзүүлсэн байна.
Эх сурвалж:
