Тэйлор Свифт, Трэвис Келс нарын сүй тавьсан мэдээ цахим ертөнцийг доргиов
Тэйлор Свифт болон Трэвис Келс нарын сүй тавьсан тухайгаа Instagram хуудсаараа дамжуулан зарласан нь цахим ертөнцөд шуугиан тарьж, богино хугацаанд дээд амжилт тогтоолоо. Уг постыг нийтэлснээс хойш ердөө зургаан цагийн дотор 1 сая гаруй хэрэглэгч дахин хуваалцсан нь Instagram-ийн түүхэн дэх хамгийн их хуваалцагдсан нийтлэл болжээ.
Billboard сэтгүүлийн мэдээлснээр, уг зураг нийтлэгдсэн эхний нэг цагийн дотор 14 сая лайк цуглуулсан бол өнөөдрийн байдлаар 30 сая давсан байна. Постын тайлбарт тэд хошигнон: “Таны англи хэлний багш болон биеийн тамирын багш гэрлэж байна” хэмээн бичсэн нь олон нийтийн анхаарлыг бүр ч ихээр татжээ.
Энэ мэдээг дэлхий даяарх фенүүд баяртайгаар хүлээн авч, сэтгэгдлийн хэсэгт мянга мянган мэндчилгээ, ерөөл дүүрэн байв. Түүнчлэн АНУ-ын ерөнхийлөгч асан Дональд Трамп хүртэл энэхүү сүй тавилтад анхаарал хандуулж, Тэйлор Свифтэд амжилт хүсэн жиргэсэн байна.
Тэйлор Свифт, Трэвис Келс нар хоёр жилийн турш үерхэж, эцэст нь 2025 оны 8-р сарын 26-нд сүй тавьснаа зарласан. Тэдний шинэ амьдралын эхлэл тун завгүй байх төлөвтэй: Канзас Сити Чийфс багийн шинэ улирал 9-р сарын 5-нд эхлэх бол Тэйлор Свифтийн “The Life of a Showgirl” нэртэй шинэ цомог 10-р сарын 3-нд худалдаанд гарахаар товлогдсон байна.
Эх сурвалж:
Billboard – Taylor Swift, Travis Kelce Engagement Post Sets Instagram Record
