EuroBasket 2025: Литвийн баг Их Британийн багийг 94-70 харьцаатай буулгаж авлаа
EuroBasket 2025 тэмцээний группийн шатанд Литвийн баг хүчтэй эхлэл хийж, Их Британийн багийг 94-70 харьцаатай хожлоо. Тоглолт Финландын Тампере хотод болж өнгөрсөн бөгөөд Литвийн баг самбарт илт давуу байж, нийт 57 удаагийн самбар авч тэмцээний түүхэнд шинэ дээд амжилт тогтоов.
📍 Amin Adamu almost from London 😱#EuroBasket pic.twitter.com/5q1x95ApAr
— FIBA EuroBasket (@EuroBasket) August 27, 2025
Тоглолтын эхний минутуудад Их Британийн баг оноогоор тэргүүлж байсан ч Литвийн баг 12-0 -ийн run хийж тоглолтын хяналтыг өөртөө шилжүүлэв. Гуравдугаар үед дахин 15-2-ийн цуврал хийснээр ялалтаа улам баталгаажуулсан юм.
Жонас Валанчиунас 18 оноо, 9 самбартайгаар тоглолтын шилдгээр тодорлоо. Мөн Ажуолас Тубелис 17 оноо авч, Рокас Йокубайтис 12 оноо, 6 оновчтой дамжуулалт өгч багийнхаа ялалтад чухал хувь нэмэр оруулав. Их Британийн багаас Акваси Йебоа 17 оноо авч, онооны тал дээр багаа тэргүүлсэн байна.
Энэ ялалт Литвийн багт группийн шатны өрсөлдөөнд хүчтэй мессеж өгч, цаашдын тоглолтуудад итгэл нэмсэн бол Их Британийн баг тэмцээнийг хүнд хожигдлоор эхлүүллээ.
