Ньюкасл шинэ тоглогч элсүүлэхээр идэвхтэй ажиллаж байна
Ньюкасл клубын рекорд наймаа болох Ник Вольтемадег элсүүлсний дараа менежер Эдди Хоу даваа гарагийн 19:00 цагт хаагдах шилжүүлгийн цонхоос өмнө багтаа дахин нэг тоглогч нэмж элсүүлэхээр зорьж байна.
Хэдийгээр шинэ тоглогч элсүүлэхэд анхаарч буй ч, багийн хэд хэдэн тоглогч явах төлөвтэй байна. Довтлогч Александр Исак багийг орхих сонирхолтой байгаагаа илэрхийлж, Премьер лигийн өрсөлдөгч Ливерпүүлийн анхаарлыг татаад байна. Мөн залуу тоглогчдыг зээлээр бусад баг руу явуулах магадлалтай байгаа юм.
Харин Хоу Исактай холбоотой асуудалд шууд хариулт өгөхөөс зайлсхийсэн бөгөөд шилжүүлгийн цонхны сүүлийн хэдэн өдрийг шинэ тоглогч элсүүлэхэд зориулж буйгаа онцолсон. Тэрээр “Би ямар нэгэн харилцаа, шинэ мэдээлэл өгөх боломжгүй байна. Бид идэвхтэй элсүүлэлт хийж байгаа ч энэ нь Алексийн нөхцөл байдалтай холбоотой эсэхийг мэдэхгүй” хэмээжээ.
Премьер лигийн улирлын эхлэлд Ньюкасл тогтмол довтлогчгүйгээр амаргүй тоглолтууд хийж, эхний гурван тоглолтоос ердөө хоёр оноо цуглуулжээ. Тэд Астон Вилла болон Лийдс Юнайтедтэй 0-0 харьцаатай тэнцэж, Сент Жеймс Паркд Ливерпүүлд 3-2-оор хожигдсон байна. Исак одоогоор улирлын нэг ч тоглолтод оролцоогүй нь түүнийг багийг орхих тухай цуурхлыг улам өдөөж буй.
Хоу шилжүүлгийн цонхны талаар ярихдаа “Би утсаа 24/7 барьж байх болно. Энэ ажлын онцлог нь клубууд болон тоглогчидтой өөрөө биш, харин зуучлагчдаар дамжуулан мэдээлэл солилцох шаардлагатай байдаг. Гэхдээ багтаа хүч нэмэх нэг тоглогчийг элсүүлэхийг хүсэж байна. Яг ямар байрлалд тоглох тоглогч байхыг хэлж чадахгүй, гэхдээ нэг тоглогч элсүүлэх нь бидэнд хамгийн зөв шийдвэр байх болно” гэжээ.
Эх сурвалж: 101 Great Goals
