Поп дуучин Камила Кабельо “Yours, C” аялан тоглолтынхоо хүрээнд Австралид болсон тоглолтын үеэр Натали Имбрульягийн 1998 оны алдарт “Torn” дууг фортепиано дээр амьд дуулж, шүтэн бишрэгчдэдээ гэнэтийн бэлэг барилаа.
when in australia… you have to sing torn 🇦🇺✨ ily natalie imbruglia & ily australia 💌 pic.twitter.com/mgdFcLAU7Z
— camila (@Camila_Cabello) August 31, 2025
Энэхүү сэтгэл хөдөлгөм тоглолт нь наймдугаар сарын 27-нд Мельбурн, 30-нд Сидней хотод болжээ. Кабельо дууны гүн утгыг мэдрүүлсэн дуулалтаараа үзэгчдийг байлдан дагуулж, дууссаны дараа бичлэгээ X платформд (хуучнаар Twitter) байршуулан Натали Имбрулья болон Австралийн үзэгчдэд талархлаа илэрхийлсэн байна.
Натали Имбрульягийн “Torn” дуу нь 1998 онд АНУ-ын радио долгионыг байлдан дагуулж, Billboard-ын “Radio Songs”, “Pop Airplay”, “Adult Pop Airplay” жагсаалтуудыг тэргүүлж байв. Хэдий “Hot 100” жагсаалтад дээд тал нь 42-т эрэмбэлэгдсэн ч Имбрульяг “Grammy”-д нэр дэвшүүлж, түүний уран бүтээлийн оргил үеийг илтгэсэн дуу болж чадсан. Гэхдээ уг шагналыг Селин Дионы “My Heart Will Go On” хүртсэн юм.
Сонирхолтой нь, “Torn” анх Австралид биш харин 1995 онд Ednaswap хамтлагийн дуулсан хувилбар байсан бөгөөд Имбрульягийн хувилбар илүү өргөн цар хүрээнд хүрч, олон улсад нэр хүнд олжээ.
Имбрулья нийт зургаан цомог гаргасан бөгөөд хамгийн сүүлд 2021 онд “Firebird” нэртэй цомгоо танилцуулсан. Тэрээр мөн “The Masked Singer” шоунд “Bluebell” нэрээр оролцож байсан юм.
Камила Кабельогийн сэтгэлээсээ дууласан “Torn” дууны бичлэг нь онлайнд олон хүнд хүрч, Австрали болон Натали Имбрульяд зориулсан хүндэтгэл болсон хэвээр байна.
Эх сурвалж: Billboard
