Йоан Висса: “Брентфорд надад өгсөн амлалтаа биелүүлээгүй”
Ньюкаслд нэгдэхийг хүссэн довтлогч клубынхаа шийдвэрт сэтгэл дундуур байна.
Брентфордын довтлогч Йоан Висса клубын удирдлагуудыг энэ зун өөрийг нь явуулах амлалтаа биелүүлээгүй хэмээн буруутгаж, шилжилтийн цонх хаагдахаас өмнө багийг орхих хүсэлтээ албан ёсоор илэрхийллээ.
Шилжилтийн цонх хаагдахад хоёрхон хоног үлдээд байхад Ньюкасл клубээс ирсэн хоёр ч саналыг Брентфорд хүлээж аваагүй нь түүнийг бухимдуулсан байна. Хамгийн сүүлийн санал нь 35 сая фунт стерлингийн үнэ бүхий, нэмэлт 5 сая фунтын урамшуулалтай байжээ.
Эх сурвалжуудын мэдээлснээр, Брентфорд анх Виссаг 40 сая фунт стерлингээр үнэлж байсан ч одоо 60 саяд хүргэж, наймааг хүндрүүлсэн аж. 2021 оноос хойш клубт хүчин зүтгэсэн Висса 149 тоглолтод 49 гоол оруулаад байгаа ч энэ улиралд үндсэн багийн бэлтгэлд оролцоогүй, тусад нь бэлтгэл хийж байна.
Нийгмийн сүлжээнд байр сууриа илэрхийллээ
Exclusive: Newcastle United made an improved £40m+£5m verbal offer for Yoane Wissa earlier this week, but Brentford delayed responding as they sought another striker.
— Ben Jacobs (@JacobsBen) August 31, 2025
Wissa’s statement comes off the back of a belief that Brentford are now holding out for £60m+ due to not finding… pic.twitter.com/ZYSvnRuXhO
27 настай тоглогч нийгмийн сүлжээндээ байр сууриа илэрхийлж, клуб нь “шударга санал”-уудыг хүлээж аваагүйг онцолсон байна.
“Шилжилтийн цонх хаагдахад клубын байр суурь огцом өөрчлөгдөж, өмнөх амлалтаасаа буцаж байгаад сэтгэлээр унаж байна. Энэ зун явж болно гэж хэлж байсан ч тэр нь биелэгдсэнгүй. Гэсэн ч би клуб болон түүний фенүүдийг үргэлж хүндэлсээр ирсэн” хэмээн тэр бичжээ.
Висса мөн Португал дахь бэлтгэлийн баазаас эрт буцаж, Ньюкаслд нэгдэх хүсэлтэй байгаагаа клубт илэрхийлжээ. Өдгөө тэр багийнхаа үндсэн бүрэлдэхүүнээс тусгаарлагдан бие даан бэлтгэл хийж байна.
Өнгөрсөн улиралд Премьер лигт 19 гоол оруулсан Висса Брентфордын холбоотой бүх нийтлэл, контентыг нийгмийн сүлжээнээсээ устгасан бөгөөд клубын удирдлагуудтай хийсэн өмнөх ярилцлагадаа “хэрэв боломжийн санал ирвэл, намайг явуулахгүй гэж хэлээгүй” гэсэн ойлголцол байсан гэдгийг онцолжээ.
Хүндэтгэлтэй замаар салж, шинэ эхлэл хүсэж байна
Висса өөрийгөө мэргэжлийн хүн шиг аашилж, клубыг муу нэртэйгээр орхихыг хүсэхгүй байгаагаа илэрхийлсэн. Тэр клубтэйгээ нээлттэй харилцаж ирсэн бөгөөд хөлбөмбөгчин, хүн гэдэг утгаар өөрийгөө зөв авч явахыг хичээж буйгаа мэдэгдэв.
Тэр шилжилтийн цонх хаагдахаас өмнө шударга шийдэл олдоно гэдэгт найдаж, Брентфордыг амлалтаа биелүүлж, боломжийн үнээр өөрийг нь шинэ багт шилжүүлэхийг шаардаж байна.
Эх сурвалж: 101GreatGoals – Wissa releases statement
