Жэк Грийлиш Эвертоны ялалтад гайхалтай тоглолт үзүүлэв
Дэвид Мойес Жэк Грийлишийн тоглолт түүний хүлээлтийг давсан гэдгийг хүлээн зөвшөөрөв. Эвертон Вулвзийг Молинью цэнгэлдэх хүрээлэнд 3-2 гоолын харьцаатай хожиход Грийлиш онцгой тоглолт үзүүлсэн юм.
Манчестер Ситигаас зээлээр тоглож буй Грийлиш довтолгооны төвд тоглож, Бето болон Киернан Дьюсбери-Холлд гоолын дамжуулалт өгч, Иллиман Ндиайегийн гоолын үед ч бас чухал үүрэг гүйцэтгэлээ. Түүний Мерсисайд дахь сэргэн мандалт нь Томас Тухелийн удирдсан Английн шигшээ багийн бүрэлдэхүүнд багтаагүйгээс хэдхэн хоногийн дараа тохиож буй нь анхаарал татаж байна.
2 – Jack Grealish is the first ever Everton player to assist 2+ goals in consecutive Premier League appearances for the club. Unleashed. pic.twitter.com/8mGe5UDPx2
— OptaJoe (@OptaJoe) August 30, 2025
Тэрээр энэ улиралд Премьер лигт дөрвөн гоолын дамжуулалт өгөөд байгаа нь Сити дахь сүүлийн хоёр улирлын нийт дамжуулалтаас хоёр дахин их үзүүлэлт юм.
Мойес түүний сэргэлтийг сэтгэлзүйн хүчин зүйлтэй холбон дараах тайлбарыг өгсөн. “Энэ бол миний хийсэн зүйл биш. Энэ бол Жэкийн өөрийнх нь хичээл зүтгэлийн үр дүн. Тэр өөрийгөө сайн тоглогч гэдгээ харуулахыг хүсэж байна, тэр одоо яг үүнийг л хийж байгаа” хэмээн хэлжээ.
Мөн “Түүнийг миний бодож байснаас илүү сайн тоглогч гэдгийг хүлээн зөвшөөрөх нь хамгийн том магтаал байх. Жэк бидэнд бүтээлч байдал, гоол оруулах боломжийг өгдөг” хэмээн тэр нэмж онцолсон байна.
Эх сурвалж: 101 Great Goals – Moyes admits Grealish ‘better than I thought’
