“Cautiously Optimistic” дуугаар Baylee Lynn фэнүүдийн хайрыг хүртлээ
17 настай дуучин, дуу зохиогч Baylee Lynn анхны уран бүтээлээрээ хөгжмийн ертөнцөд хүчтэй нэвтрэн орж ирлээ. Түүний “Cautiously Optimistic” хэмээх анхны сингл нь Billboard сайтаас явуулсан долоо хоногийн шилдэг шинэ дууны санал асуулгад 64 хувийн саналаар тэргүүлжээ.
Уг санал асуулгад Sabrina Carpenter-ийн “Man’s Best Friend”, Hayley Williams-ийн “Ego Death at a Bachelorette Party”, Zach Top-ийн “Ain’t In It For My Health”, Blood Orange-ийн “Essex Honey” зэрэг олон алдартай уран бүтээлчийн шинэ дуунууд багтсан ч Baylee Lynn-ийн анхны бүтээл хамгийн олон санал авсан байна.
Теннесси мужийн унаган охин Baylee Lynn энэхүү дуугаа AJ Pruis-ийн хамтаар бичиж, продюсерлүүлсэн бөгөөд Dolly Parton, Faith Hill зэрэг домогт дуучдаас урам авч, зүрх сэтгэлийн шарх, хайр дурлалын хүнд хэцүү мэдрэмжүүдийг өсвөр насны охидын өнцгөөс илэрхийлэхийг зорьжээ.
“Cautiously Optimistic” дууны тухайд, охидын сэтгэлийн гүнд байдаг болгоомжлол, зүрхээ дахин нээх эсэхийн эргэлзээ, ‘улаан тугнууд’-ыг үл тоомсорлодог зангийн тухай өгүүлдэг. Baylee энэхүү дуугаа дэлхий даяарх хүмүүст хүрч байгаад баяртай байгаагаа илэрхийлсэн байна.
Дууны үгийг Baylee Lynn, AJ Pruis, Kyle Sturrock, Brett Tyler нар хамтран бичжээ.
Санал асуулгаар Sabrina Carpenter хоёрдугаар байрт (26%) бичигдсэн бол Hayley Williams гуравдугаар байрт (4%) жагссан байна. Williams-ийн шинэ дуу нь “Parachute” зэрэг синглүүдийг багтаасан бөгөөд ирэх цомгийнх нь нэг хэсэг юм.
Billboard-ийн санал асуулгын дэлгэрэнгүй үр дүнг харахыг хүсвэл Friday Music Guide-аар зочлоорой.
