Александр Исак Ливерпүүлд нэгдсэн нь шуугиан тарьлаа
Александр Исакын агент түүний Ливерпүүлд шилжсэнтэй холбоотой нууцлаг мессеж илгээж, Ньюкасл клуб руу чиглэсэн ёжлол мэт үгсийг олон нийтэд хүргэлээ.
Шведийн довтлогч Исак өчигдөр Ньюкасл Юнайтедээс Мерсисайдад ирж, Премьер лигийн аваргууд түүнийг элсүүлэхийн тулд Британийн дээд амжилт тогтоосон 125 сая фунт стерлинг (£125 сая буюу ~580 тэрбум төгрөг)-ийн төлбөр төлсөн байна. Энэ нь Исакын хувьд мөрөөдлийн шилжилт байв.
Исак Ньюкаслээс явах сонирхлоо илэрхийлснээс болж багийнхаа эхний гурван тоглолтыг алгасч, ганцаараа бэлтгэл хийж байсан нь олон фенүүдийн шүүмжлэлд өртсөн. Мөн багийн дотор ч зөрчил үүсгэсэн гэх мэдээлэл гарч байна.
#️⃣9️⃣💫 pic.twitter.com/lBUJoZlQw7
— Liverpool FC (@LFC) September 2, 2025
Агент Владо Лемич: “Дахин хэзээ ч хамт байхгүй гэдгээ мэдэх нь бүр сайхан”
Исак Шведийн шигшээ багтайгаа нэгдэн, Английн хэвлэл мэдээллийн дарамтаас түр холдохоор эх орондоо буцсан. Харин түүний агент Владо Лемич Ньюкасл клубт хандан сүүлийн үгээ хэлэхээ мартаагүй. Тэрээр talkSPORT-т илгээсэн мессеждээ:
“Хэнтэй хамт байх нь сайхан,
Харин хэнтэй дахин хэзээ ч хамт байхгүй гэдгээ мэдэх нь бүр ч сайхан.”
хэмээн бичсэн нь Ньюкасл руу чиглэсэн шүүмжлэлтэй хандлага хэмээн тайлбарлагдаж байна.
Хуучин багийн нөхдийн сэтгэл хөдлөл
Исакын шилжилтийн дараа түүний хуучин багийн хоёр тоглогч дэмжиж буйгаа илэрхийлсэн нь Ньюкаслын зарим фенүүдийн бухимдлыг төрүүлсэн байна.
Нидерландын хамгаалагч Свен Ботман өөрийн Инстаграм хуудсандаа:
“Хамт тоглож эхэлсэн маань миний ховорхон сайн найзуудын нэг болж хувирсан. Илүү их үг хэрэггүй. Дараагийн алхамд чинь амжилт хүсье @alex_isak”
гэж бичжээ.
Sven Botman on Instagram… #NUFC pic.twitter.com/pAyXheTEr4
— Charlie Bennett (@CharIieBennett) September 2, 2025
Мөн Английн хагас хамгаалагч Энтони Гордон:
“Нөхцөл байдал ямар ч байсан, чамтай хамт тоглох нь таатай байсан. Талбай дээрх хамгийн сайн гүнзгий холбоо, түүнээс ч илүү гайхалтай хүн, багийн нөхөр байлаа. Чамд хамгийн сайн сайхныг хүсье, ах минь”
хэмээн сэтгэл хөдлөлөө илэрхийлжээ.
Эх сурвалж: 101greatgoals.com
