Александр Исак Ливерпүүлд шилжсэндээ Ньюкаслд талархал илэрхийлэв
Александр Исак Ливерпүүлд нэгдсэнийхээ дараа Ньюкасл Юнайтед клуб болон түүний хөгжөөн дэмжигчдэд хандан чин сэтгэлийн талархал илэрхийллээ. Швед довтлогчийн Тайнсайд дахь замнал өчигдөр албан ёсоор өндөрлөж, Премьер лигийн аварга Ливерпүүл түүнийг 125 сая фунт стерлинг (£125 сая буюу ~580 тэрбум төгрөг)-ийн төлбөрөөр элсүүлсэн юм.
Исак Ньюкаслын фэнүүдийн дургүйцэлтэй салах ёс хийсэн ч, өнөөдөр Инстаграм хуудсаараа дамжуулан сэтгэл хөдөлгөм мэдэгдэл хийжээ. Тэрээр:
“Сүүлийн гурван жил миний амьдралын хамгийн гайхалтай мөчүүд байсан. Багийн хамт олон, ажилтнууд, Ньюкасл хот болон итгэлтэй хөгжөөн дэмжигчиддээ талархаж байна. Бид хамтдаа түүх бүтээж, клубыг өөрийн жинхэнэ байр сууринд нь хүргэж чадсан.”
хэмээн бичсэн байна.
“Аваргуудын лиг бол нэр төрийн хэрэг байсан”
Исак Ньюкаслын хамтаар клубын шинэ эрин үеийг эхлүүлж, олон арван жилийн дараа Аваргуудын лигийн эрхийг авч, түүхэн амжилтад хүрсэн. Тэрээр энэ аялалд оролцох нь нэр төрийн хэрэг байсан хэмээн онцолж:
“Би Ньюкаслын төлөө тоглосондоо үргэлж талархаж явах болно”
гэж мэдэгджээ.
Гэсэн хэдий ч олон нийтийн сүлжээнд түүний талархлын үгс Ньюкаслын зарим фэнүүдийн сэтгэлийг зөөлрүүлж чадахгүй байгаа бололтой.
Эх сурвалж: 101greatgoals.com
