Манчестер Сити ба Премьер лигийн хоорондын маргаан шийдвэрлэгдлээ
Манчестер Сити клуб Премьер лигийн шинэ ивээн тэтгэлгийн дүрэмтэй холбоотой хууль зүйн маргаанаа шийдвэрлэж, талууд харилцан тохиролцоонд хүрлээ.
Өнгөрсөн оны 11-р сард Премьер лигийн олонх клуб “APT” буюу холбоотой талуудын арилжааны хэлцлийн шинэчилсэн дүрмийг дэмжин санал өгсөн. Энэ нь клубуудыг эзэмшигчидтэй нь холбоотой компаниудтай хийсэн ивээн тэтгэлгийн гэрээнүүдээс шударга бус давуу ашиг хүртэхээс сэргийлэх зорилготой байв.
Энэхүү өөрчлөлт Манчестер Сити клубын зүгээс “хууль бус” хэмээн үзэж, энэ оны хоёрдугаар сард шүүхэд нэхэмжлэл гаргахад хүргэсэн юм. Гэвч тус клуб сүүлийн шийдвэрээрээ хууль зүйн маргаанаа эцэслэж, APT дүрмийг хүчин төгөлдөр бөгөөд дагаж мөрдөх ёстой хэмээн хүлээн зөвшөөрлөө.
Манчестер Сити клубын мэдэгдэлд:
“Премьер лиг болон Манчестер Сити клуб 2024 оны эхээр эхлүүлсэн APT дүрэмтэй холбоотой арбитрын асуудлаар тохиролцоонд хүрч, холбогдох үйл явцыг зогсоохоор шийдвэрлэлээ” хэмээн дурджээ.
Ийнхүү тус маргаан дуусгавар болж, клуб APT дүрмийг бүрэн хүлээн зөвшөөрсөн нь албан ёсоор баталгаажсан байна. Мөн Премьер лиг болон Манчестер Сити аль аль тал цаашид уг асуудлаар нэмэлт тайлбар хийхгүй гэдэгт тохирсон байна.
Эх сурвалж: 101 Great Goals – Manchester City reach settlement with Premier League
